Шымкент қаласында «Dala-construction.kz» компания қызметкерлеріне еңбек қауіпсіздігін сақтау, еңбек жағдайлары және еңбекті қорғауға байланысты семинар-тренинг өткізілді.
«Dala-construction.kz» ЖШС – Түркістан облысындағы құрылыс саласында 15 жылдан астам тарихы бар ірі компания. Компания өз қызметінде темірбетон (темірбетон) бұйымдары мен инертті материалдар өндірісінің толық спектрін, сондай-ақ мамандандырылған автокөліктерді жалға беру қызметтерін қамтиды.
Семинарға «Шымкент қаласы кәсіподақтар орталығы» аумақтық кәсіподақтар бірлестігі төрағасының орынбасары Жарқынбек Құрманбек пен «Шымкент қаласының мемлекеттік еңбек инспекциясы» басқармасының басшысы Бауыржан Қалжанов қатысты. Жиын барысында өндірістік жарақаттанудан, кәсіби аурушаңдықтан сақтану, өндіріс орнында тәуекелдерді азайту және қауіптерді жою үшін қауіпсіз жұмыс ортасын қамтамасыз ету маңыздылығы жөнінде сөз өрбіді. Кездесуде Жарқынбек Айдарбекұлы сөз сөйлеп, қатысушыларға өндірістегі жазатайым оқиғалардың жағдайын, еңбек қауіпсіздігін қалыптастырудағы кәсіподақтардың рөлін, еңбек қауіпсіздігі және оны қорғау бойынша жұмысшыларды оқыту негіздерін, сондай-ақ, еңбек жағдайын жақсарту жөнінде түсіндірді. Одан өзге, Қазақстан Республикасы Заңнамалығына сәйкес әрбір қызметкер еңбек қауіпсіздігі және еңбекті қорғау жөніндегі талаптарға, сондай-ақ еңбек, ұжымдық шарттарға сәйкес санитариялық-тұрмыстық жайлармен, жеке және ұжымдық қорғаныш құралдарымен қамтамасыз етуге құқылы екені түсіндірілді.
Сондай-ақ, ең төменгі жалақы мөлшерінде еңбекақы алатын жұмыскерлер үшін бұрынғыдай жеке табыс салығы жойылады, содан кейін бұл шегерім бюджетті олигархтардың үстеме пайдасынан емес, еңбек табысы есебінен «толтыру» үшін ең төменгі есептік көрсеткіштен тіркелген мөлшерлемемен жабылды.
Кәсіпорын иесінің алған пайдасы жұмыскерлердің еңбегінің нәтижесі болып табылады. Өндірісті адамдар – қарапайым жұмыскерлер қамтамасыз етеді. Ал кәсіпорын пайда тапқан кезде, Еңбек адамының жалақысын көтеру туралы шешім әділ болады, сонда ғана меншік иесі дивидендтерге сүйене алады.
