«Amanat» партиясы Шымкент қалалық филиалы Атқарушы хатшысының орынбасары Ербол Байқонысов «Ұстаздар күні» мерекесіне орай, білім саласындағы еңбекқор педагогтарды құттықтады. Бұл мереке қарсаңында ол ұстаздарға білім беру мен өскелең ұрпақты тәрбиелеудегі зор үлестері үшін Алғыс хаттар табыс етті.
Ербол Рәбілұлы өз құттықтауында білім саласының дамуына қосқан педагогтардың үлесін ерекше атап өтті. «Сіздің еңбегіңіз бен өскелең ұрпақты ғылымға баулудағы ерен еңбектеріңіз келешегіміз үшін өте құнды», — деді ол.
Педагогтарға денсаулық, отбасы амандығы мен еңбек жолында табыс тілеген Ербол Байқонысов, ұстаздардың қоғамдағы рөлі мен маңыздылығын атап өтті. «Ұстаздар күні» — бұл білім берушілердің еңбегін бағалау, олардың қоғамдағы орны мен рөлін мойындаудың керемет мүмкіндігі.
Білім саласына қосқан сүбелі үлестерімен қатар, ұстаздарымыздың келешек ұрпаққа берер тәлім-тәрбиесі ұрпақтан-ұрпаққа жалғасып, еліміздің дамуына зор ықпал ететіні сөзсіз.
