Шымкент қаласы білім басқармасы «Қосымша білім беру оқу салалық орталығы» мен «Оқушылар сарайы» МКҚК ұйымдастыруымен, республикалық «Жас ұлан» балалар мен жасөспірімдер ұйымының жұмысына жауапты қала мектептерінің тәлімгерлері арасында қалалық «Үздік тәлімгер – 2024» байқауы өтті, деп хабарлайды R-FACTOR.KZ ақпарат агенттігі қалалық білім беру басқармасының баспасөз қызметіне сілтеме жасап.
Байқау мақсаты — Республикалық «Жас ұлан» балалар мен жасөспірімдер ұйымының жұмысын қаладағы мектептерде жандандыру, мектеп тәлімгерлерінің көшбасшылық және шығармашылық қабілетін дамыту, озық тәжірибені тарату.
Байқау кезеңдері «Мен — балалық шақтың капитанымын» өзін-өзі таныстыруы, «Менің атқарған үздік жобам» үй тапсырмасы, «Өнерлінің- өрісі кең» өз өнерлерін көрсетеді. Сонымен қатар «Тәлімгер портфолиосы» құжаттары, жетістіктері, іс-шара материалдары т.б. бойынша қатысушылар бақ сынады.
Тартысты байқау қорытындысы бойынша «Бас жүлдені» №136 жалпы орта білім беру мектебінің аға тәлімгері М.Қ. Әнуарбек, І орын — №138 жалпы орта білім беру мектебінің аға тәлімгері А.Б.Жәрдембаева, ІІ орын — №32 жалпы орта білім беру мектебінің аға тәлімгері А.Қ. Жаппаркулова мен №12 жалпы орта білім беру мектебінің аға тәлімгері З.Х. Хидирова., ІІІ орын — №29 жалпы орта білім беру мектебінің аға тәлімгері С.М.Сүгірәлі, №112 жалпы орта білім беру мектебінің аға тәлімгері Ш.Т.Нуржанова және ЖШС «Жалын» жалпы орта білім беру мектебінің аға тәлімгері А.Т. Режепова, «Креативті тәлімгер» номинациясымен №121 жалпы орта білім беру мектебінің аға тәлімгері Н.А. Уакбаева, «Өнерлі тәлімгер» номинациясымен №96 жалпы орта білім беру мектебінің аға тәлімгері С.Б. Орашова, «Көрермен көзайымы» номинация №111 жалпы орта білім беру мектебінің аға тәлімгері М.Н. Шукиралиева иеленді.
Барлық жеңімпаздар диплом және сыйлықтармен марапатталды. Сонымен қатар, Оқушылар сарайы «Тәлімгерлер мектебінің» жетекшісі Г.Тулеметова Алғыс хатпен марапатталды.
