Қазіргі қоғамда жастар арасындағы құқықбұзушылықтың алдын алу – құқық қорғау органдары мен жергілікті басқару органдарының басым бағыттарының бірі болып отыр. Осы мақсатта қала көлемінде қоғамдық тәртіпті сақтау және кәмелетке толмағандардың арасында заңға қайшы әрекеттердің жолын кесу үшін полиция қызметкерлерімен бірлескен рейдтік шара ұйымдастырылды.
Аталған рейдтің негізгі мақсаты – түнгі уақытта заңды өкілдерінсіз жүрген кәмелетке толмағандарды анықтау, сондай-ақ қоғамдық орындарда тәртіп бұзушылықтарға жол бермеу, жастардың бос уақытын тиімді өткізуіне ықпал ету. Шара барысында полиция қызметкерлері мен жастар ісі жөніндегі инспекторлар, білім беру мекемелерінің өкілдері және басқа да мүдделі ұйымдардың қатысуымен бірнеше қоғамдық орындарда, соның ішінде саябақтарда, ойын-сауық орталықтарында және көшелерде тексеріс жүргізілді.
Рейд кезінде кәмелетке толмаған бірнеше жасөспірімнің заңды өкілдерінсіз кешкі он бірден кейін қоғамдық орындарда жүргені анықталды. Ата-аналармен және жасөспірімдердің өздерімен профилактикалық әңгімелер жүргізіліп, заң талаптары мен түнгі уақытта сыртта жүрудің салдары түсіндірілді. Сонымен қатар, қоғамдық тәртіпті бұзған бірқатар азаматтарға әкімшілік шаралар қолданылды.
Мұндай рейдтік іс-шаралар жастардың құқықтық сауаттылығын арттырып, олардың тәртіпке бағынуына оң әсер етеді. Алдағы уақытта да осындай шаралар тұрақты түрде ұйымдастырылып отырады. Қоғамда құқықбұзушылықтың алдын алу – тек құқық қорғау органдарының емес, бүкіл қоғамның ортақ міндеті екенін ұмытпауымыз қажет. Ата-аналар өз балаларының жүріс-тұрысын бақылап, олардың қайда, кіммен жүргеніне назар аударып отырғаны абзал. Бұл – балалардың қауіпсіздігі мен жарқын болашағы үшін қажет.
