Қазығұрт ауданы Ішкі істер органының зейнеткері Ертуған Усембаев ағамыздың ұйымдастыруымен полицейлер арасында шағын футболдан жарыс болып өтті, деп хабарлайды R-factor.kz ақпарат агенттігі.
Сайысқа Қазығұрт аудандық полиция бөлімі, ардагерлер кеңесі мүшелері, аудан әкімшілігі, мектеп ұжымы мен ауыл жастарынан құралған командалар қатысты.
Қазақстан полициясы қызметкерлерінің оң имиджін қалыптастыру, қызметкерлер арасында спортты, оның ішінде шағын футболды кеңінен насихаттау мақсатында ұйымдастырылған жарысқа алты команда қатысты. Жарыс қызықты, тартысты өтті.
Нәтижесінде озық ойын көрсеткен полицейлер ұйымдастырған шағын футболдан ауыл жастары I-ші орынды иеленді. Ал II-ші орынды ішкі істер органдарының ардагерлері, үшінші орынды аудан полицейлері жеңіп алды.
Сайыс соңында барлық жеңімпаздар бағалы сыйлық, алғыс хаттармен марапатталды.
