Арыс аудандық полиция бөлімінде ”Қазақстан полициясының 32-жылдығына” орай салтанатты іс-шара өткізілді.
Жыл сайын 23 маусымда қазақстандық полицейлер өздерінің кәсіби мерекелерін тойлайды.
Қылмысқа қарсы күрес, қоғамдық тәртіп пен қауіпсіздікті қамтамасыз ету, құқық бұзушылықтардың алдын алу – мұның бәріне жоғары кәсібилік қана емес, сондай-ақ батылдық, борышқа адалдық, жауапкершілік қажет. Барлық полиция қызметкерлеріне кез келген сәтте көмекке келуге дайын болғаны үшін алғыс айтамыз. Тәртіп сақшыларының жұмыстарының тиімділігі — қазақстандықтардың қауіпсіз өмірінің, ертеңгі күнге деген сенімінің кепілі.
Іс-шара барысында мерекеге орай қызмет барысында жоғары көрсеткіштерге қол жеткізіп, стратегиялық аса маңызды және экономика саласындағы маңызы бар объектілерді күзетіп, мекемедегі тәртіп пен заңдылықты қатаң сақтап, кәсіби шеберлік таныта білгендері үшін Арыс АПБ бастығының бұйрығымен біршама қызметкерлер грамота және алғыс хаттармен марапатталды.
Марапат жалғасы ІІО-ның құрметті ардагерлеріндде АПБ бастығының алғыс хаттарымен марапатталып, сый-құрметтер көрсетілді.
Қауіпсіздікті қадағалап, тыныштықты күзететін сақшылардың қызметі қашан да қарбалас әрі мақтаныш. Полицейлердің кәсіби мерекесі қарсаңында асқан қырағылық пен табандылықты талап ететін қызмет иелеріне құрмет-қошемет көрсетілді. Ел бойынша 1300-ге жуық тәртіп сақшысы марапатталды.
Салтанатты іс-шара соңы Арыс ауданында орналасқан құқық құрғау органдарымен, ардагерлермен бірігіп футбол ойынын ұйымдастырып бағалы сыйлықтармен марапаттаумен аяқталды.
