Шымкент қаласы күннен-күнге дамып, халық саны қарқынды өсіп келе жатқан мегаполис. Мұндай ірі қалаларда түрлі сипаттағы төтенше жағдайлардың орын алуы – қалыпты құбылыс. Алайда, мұндай жағдайлардың алдын алу және оларды тиімді жою тек мемлекеттік органдардың ғана емес, бүкіл қоғамның ортақ міндеті болып табылады.
Қоғамның төтенше жағдайларға дайындығы – қала қауіпсіздігінің басты көрсеткіштерінің бірі. Бұл дайындық тек материалдық ресурстармен немесе арнайы техникалармен ғана шектелмейді. Ең маңыздысы – халықтың ақпараттану деңгейі мен әрекет ету дағдылары. Шымкент қаласының тұрғындары арасында жүргізілген түрлі түсіндіру жұмыстары, тренингтер мен оқу-жаттығулар – осындай дағдыларды қалыптастыруға бағытталған.
Мемлекеттік органдар мен үкіметтік емес ұйымдардың бірлескен жобалары ерекше рөл атқарады. Мысалы, волонтерлік қозғалыстар мен қоғамдық қорлар төтенше жағдай кезінде халыққа көмек көрсетуде белсенділік танытып келеді. Бұл – қоғам мен билік арасындағы сенім мен серіктестіктің көрінісі.
Сонымен қатар, мектептер мен жоғары оқу орындарында төтенше жағдайлар тақырыбында ашық сабақтар мен арнайы курстар өткізілуі – жастардың қауіпсіздік мәдениетін қалыптастыруда маңызды қадам. Бұл бағытта білім басқармасы мен Төтенше жағдайлар департаменті бірлескен жұмыстар жүргізуде.
Қоғамдық серіктестіктің тағы бір тиімді түрі – жергілікті кәсіпкерлер мен мекемелердің техникалық және материалдық жағынан қолдау көрсетуі. Қиын сәттерде эвакуациялық көліктер, азық-түлік, медициналық құрал-жабдықтар ұсыну арқылы олар төтенше жағдайдың салдарын азайтуға елеулі үлес қосады.
Қорыта айтқанда, Шымкент қаласындағы төтенше жағдайларға дайындық тек мемлекеттік деңгейдегі шаралармен ғана шектелмейді. Бұл – әрбір азаматтың, әр ұйым мен мекеменің ортақ жауапкершілігі. Қоғамдық серіктестік пен бірлескен іс-қимыл ғана төтенше жағдайлардың қауіпін азайтып, қаланың тұрақты әрі қауіпсіз дамуын қамтамасыз ете алады.
