Бүгін Ұлттық құрама таеквондошысы Самирхон Абабакиров G-1 санатындағы Luxembourg Open турнирінде алтыннан алқа тақты, деп хабарлайды Қазақстан Республикасының Туризм және спорт министрлігі Спортты дамыту дирекциясының баспасөз қызметі.
Отандасымыз 63 келіге дейінгі салмақта барлық қарсыласынан айласын асырды.
Айта кетейік, бұл бәсекеге ересектер арасында 331 спортшы қатысты. Ал Самирхон топ жарған 63 келіге дейінгі салмақта 33 таеквондошы күш сынасты.
Самирхон Абабакиров наурыз айында Тайань қаласында өткен лицензиялық турнирде 58 келіге дейінгі салмақта Париж Олимпиадасының жолдамасына қол жеткізген. Люксембургтегі жарыс жазғы ойындарға дайындықтың бір кезеңі саналады.
Сонымен қатар, Шымкенттік мерген Ирина Юнусметова Париж Олимпиадасы лицензиясының иегері атанды.
Бүгін халықаралық нысана көздеу (ISSF) барлық Әлем Кубогының кезеңінен кейін Олимпиадалық рейтингін жаңартты. Соның нәтижесінде Ирина Юнусметова Париж ойындарының лицензиясына қол жеткізді.
Ұлттық құрама спортшысы қайта үлестіру кезеңінде 10 метрден тапаншамен нысана көздеуде жолдамаға иелік етті.
Бұл еліміздің спорттық ату федерациясының еншісіндегі 9-шы лицензия. Осыған дейін Ислам Сатпаев, Константин Малиновский, Александра Ле, Арина Алтухова, Никита Чирюкин (нысана көздеу); Әсем Орынбай, Эдуард Ещенко мен Мария Дмитриенко (стенд ату) Парижге барар билетке иелік еткен. Осы қатарда Әсем Орынбай мен Ирина Юнусметованың лицензиясы жеке спортшының өзіне тиесілі. Қалғаны федерацияға берілген квота.
Ал жалпы Қазақстан еншісіндегі лицензия саны 67-ге жетті.
Айта кететін, Өскемен қаласында жеңіл атлетикадан Қазақстан Республикасының гимназиядасы өтті. Бұл өз кезегінде Дүниежүзілік гимназиядаға іріктеу турнирі болып табылады.
Шымкент қаласының құрама командасы төмендегідей нәтижеге қол жеткізді. Айта кетсек,
1 орын: Егизбай Шерхан, 10 000 м спорттық жүру
1 орын: Егизбай Шерхан, 3 000 м жүгіру
1 орын: Ерматова Томирис, балға лақтыру
1 орын: Песоцкий Вадим, ядро лақтыру
1 орын: Песоцкий Вадим, диск лақтыру
1 орын: Кузубова Полина, 100 м кедергімен жүгіру
2 орын: Ерматова Томирис, диск лақтыру
Айта кетейік, бірінші орын алған спортшылар Бахрейн қаласында өтетін Дүниежүзілік гимназиядаға жолдама алады.