«AMANAT» партиясы республиканың барлық өңірлерінде халықтың құқықтық сауаттылығын арттыру бойынша тиісті жұмыстар атқарылуда. Заңға бағынатын қоғам құрудың маңызды тетіктерінің бірі – тұрғындардың құқықтық сауаттын арттыру.
Бүгін Шымкент қалалық филиалының қоғамдық қабылдау бөлмесінде «Құқықтық көмек» партиялық жобасы аясында Zangerler Palatasi заң консультанты Мұрат Идирисов және Әділет департаментінің АХАЖ саласының маманы Нилюфар Елтаева азаматтарды жеке мәселелерімен қабылдау жүргізіп, өз құзыретіне жататын мәселелер бойынша тұрғындар қойған сауалдарға жауап берді.
Қабылдауда болған азаматтарға отбасылық қатынаста туындайтын келіспеушіліктерді заң аясында шешу жолдары ұсынылды. Келушілерге заң мен тәртіп – ішкі тұрақтылықтың бірден-бір жолы екені айтылып, мәселелерді шешуге құқық қорғау саласының мамандары әрқашан дайын екені жеткізілді.
«Құқықтық көмек» партиялық жобасы шеңберінде заңгерлер жергілікті жерде азаматтарға заңгерлік көмек көрсету үшін облыстағы аудан орталықтарына барады. Яғни сотта, қылмысты қудалау органдарында және тағы басқа жағдайда азаматтарға өкілеттік етуге, арыз-талап толтыруға, өзін қорғауға көмек көрсетіледі. Тұрғындарға қаржы және құқықтық мәселелер бойынша түрлі кеңес беріледі.
Жобаның негізгі мақсаты — ашықтықты қамтамасыз ету, тұрғындарды алаңдатқан мәселелердің шешу жолдарын тікелей әлеуметтік объектілерде қарастыру және заң аясында құқықтық көмек көрсету.
Жұртшылықпен оң бағаланған аталмыш жобаның жалғасымен бүгін Халықты жұмыспен қамту саласындағы проблемалы мәселелерге байланысты мемлекеттік орган өкілдері өңір тұрғындарын толғантқан мәселелерге құлақ түріп, олардың шешу жолында азаматтармен кері байланыс орнатып, құқықтық кеңестер берді.
Тұрғындар тарапынан түскен талап-тілектер бойынша заңгер түсіндірме жұмыстарын жүргізіп, қолданыстағы заңнамалар аясында кеңес берді.
