Футболдан Қазақстан ұлттық құрамасы Ұлттар лигасында Норвегиямен кездесті. Тұрғындар мен қала қонақтары Түркістан облысы қоғамдық даму басқармасы «Жастар ресурстық орталығы» КММ ғимаратындағы үлкен экранынан тікелей көрсетілімді тамашалады.
Ұлттық құраманы қолдауға Түркістан облысы әкімінің орынбасары Алтай Ертаев, облыс әкімінің штаттан тыс кеңесшісі Нұрлан Қоянбаев, қала қонақтары мен белсенді жастар қатысты. Футболдан ел құрамасының жеңісіне тілек білдірген жұртшылық матч кезінде қолдау білдіріп, футболдың елімізде қаншалықты маңызды екендігін тағы да көрсетті. Қазақстан ұлттық құрамасы Норвегиямен тең ойнады.
Түркістан облысы әкімінің баспасөз қызметі