Сенбілік бұл тазалыққа бастайтын, ұжымдық ауызбіршілікті көрсететін керемет шара.
Бүгін Созақ аудандық полиция бөлімінің қызметкерлері нысанды киімдерін күнделікті тұрмыстық киімге ауыстырып, полиция бөлімі мен Қожанов көшесінің бойында орналасқан Күзет полициясының ішкі және сыртқы ауласы маңын түгелдей тазартып шықты. Олар күрек пен сыпыртқыларын қолдарына алып, тазалық жұмыстарын жасады.
Аумақты абаттандырумен аулалардағы шашылған қоқыстарды теріп, қоқыс жәшігіне жинады.
Мемлекет басшысының тапсырмасымен республика бойынша «Таза Қазақстан» экологиялық акциясы бес аптаға созылады. Әр аптаның өзіндік тақырыбы мен нақты мақсаты болмақ.
«Таза өлке». Бірінші аптада елді мекендердің тұрғындары, қоғам қайраткерлері, ұйымдардың қызметкерлері өз аумағындағы аулаларды тазалайды.
«Киелі мекен». Екінші апта тарихи-мәдени ескерткіштердің аумағын абаттандыруға арналады.
«Жасыл аймақ». Үшінші аптада көшет отырғызу, ағаштарды әктеу жұмыстары жүргізіледі.
«Өнегелі ұрпақ». Акцияның төртінші аптасында ардагерлердің аулалары мен қарттар үйінің аумағын тазалау, абаттандыру көзделеді.
«Мөлдір бұлақ». Акцияның қорытынды, бесінші аптасында өзендер мен көлдер қоқыстан тазартылады.
Түркістан облысы ПД баспасөз қызметі
