Қазақстан Республикасы Ғылым және жоғары білім министрлігі мемлекеттік тіл саясатын бұқаралық ақпарат құралдарында насихаттау жұмыстарын жандандыру мақсатында жыл сайын «Мемлекеттік тіл және БАҚ» республикалық байқауын (бұдан әрі – Байқау) өткізеді.
Байқауға кәсіби журналистер, телевизия және радио, газет, сайт ұжымдары қатысып, бұқаралық ақпарат құралдарында (мерзімді баспасөз басылымы, теле, -радиоарна, интернет-басылым) және интернет-ресурстарда мемлекеттік тілдің өзекті мәселелеріне арналған мақалалар мен теле-, радиобағдарламаларды baqkonkurs@gmail.com электронды поштасына «Мемлекеттік тіл және БАҚ» республикалық байқауына» деген белгімен 2025 жылдың 1 шілдесі сағат 24:00-ге дейін байқауды ұйымдастыру тәртібінде көрсетілген құжаттарды жолдауы тиіс.