«Таза Қазақстан» республикалық экологиялық акциясының «Киелі мекен» апталығы аясында, Мақтаарал аудандық полиция бөлімі ғимаратының ауласында тазалық жұмыстары жүргізілді.
Мемлекет басшысының тапсырмасымен республика бойынша «Таза Қазақстан» экологиялық акциясы бес аптаға созылады. Әр аптаның өзіндік тақырыбы мен нақты мақсаты болмақ.
«Таза өлке». Бірінші аптада елді мекендердің тұрғындары, қоғам қайраткерлері, ұйымдардың қызметкерлері өз аумағындағы аулаларды тазалайды.
«Киелі мекен». Екінші апта тарихи-мәдени ескерткіштердің аумағын абаттандыруға арналады.
«Жасыл аймақ». Үшінші аптада көшет отырғызу, ағаштарды әктеу жұмыстары жүргізіледі.
«Өнегелі ұрпақ». Акцияның төртінші аптасында ардагерлердің аулалары мен қарттар үйінің аумағын тазалау, абаттандыру көзделеді.
«Мөлдір бұлақ». Акцияның қорытынды, бесінші аптасында өзендер мен көлдер қоқыстан тазартылады.
Тазалық іс-шарасына Мақтаарал аудандық полиция бөлімінің басшылығы мен жеке құрам қызметкерлері қатысты.
Сақшылар қоқыстар жинап, жасыл желекті суарды. Тиісті тазалық шараларын атқарды.
Түркістан облысы ПД баспасөз қызметі
