Қазақстан Республикасы өзінің тәуелсіз даму жолында жаңа кезеңге аяқ басты. Президент Қасым-Жомарт Тоқаевтың бастамасымен жүзеге асырылып жатқан саяси реформалардың басты ұстанымы — «Күшті Президент – ықпалды Парламент – есеп беретін Үкімет» формуласы. Бұл формула — Қазақстанның болашағына бағытталған жүйелі саяси жаңғырудың өзегі. Түркістан облысында да осы жаңа саяси модельді іске асырудың алғашқы нәтижелері мен нақты қадамдары көрініс табуда.
Күшті Президент — тұрақтылық пен даму кепілі:
Президент институтының күшеюі елдегі стратегиялық дамудың негізі. Мемлекет басшысы еліміздің сыртқы саяси бағытын айқындап, ішкі тұрақтылықты қамтамасыз етеді. Түркістан облысында Президент саясатын іске асыруда өңір басшылығы нақты нәтижелерге қол жеткізіп отыр.
Мысалы, Түркістан қаласының әкімшілік-іскерлік орталығының дамуы, көне шаһардың тарихи келбетін сақтай отырып, заманауи инфрақұрылыммен жаңғыртылуы — бұл Президент бастамасымен іске асып жатқан ұлттық жоба. Түркістанның туристік орталыққа айналуы, инфрақұрылымдық жобаларға инвестиция тарту, әлеуметтік салаларды цифрландыру сияқты бағыттар — мемлекеттік басқарудағы Президент рөлінің күшеюінің айғағы.
Ықпалды Парламент — халықтың шынайы өкілі:
Саяси жүйені демократияландырудың келесі маңызды тетігі — ықпалды Парламент. Соңғы конституциялық реформалар нәтижесінде Мәжілістің өкілеттігі артты. Енді депутаттар заң шығару ғана емес, Үкіметтің жұмысын бақылау, бюджет қаржысын қадағалау және азаматтардың шағымдарын қарау секілді нақты өкілеттіктерге ие болды.
2023 жылғы Парламент сайлауынан кейін Мәжілісте партиялық бәсекелестік артты, жаңа партиялар пайда болды. Түркістан облысынан шыққан депутаттар аймақтың өзекті мәселелерін көтеріп, орталықпен өңір арасындағы көпір рөлін атқаруда.
Аймақта ауыл әкімдерін тікелей сайлау тәжірибесі де қолға алынды. Бұл — халықтың жергілікті билікке деген сенімін арттырып, саяси мәдениеттің қалыптасуына жол ашатын маңызды қадам. Жергілікті өзін-өзі басқару институттарының нығаюы да Парламенттің пәрменді қызметімен тікелей байланысты.
Есеп беретін Үкімет — ашықтық пен сенімнің негізі:
Президенттік реформалар аясында Үкіметтің қоғам алдындағы жауапкершілігі мен есептілігі күшейді. Бұған дейін Үкіметтің есеп беруі тек формалды сипатта болса, бүгінде оның әрбір шешімі қоғамда кеңінен талқылануда. Министрлер мен әкімдер ашық кездесулер өткізіп, халықпен кері байланыс орнатуда.
Түркістан облысында бұл қағиданың нақты іске асуы байқалады. Мәселен, өңірлік деңгейде бюджет шығындарын жоспарлау мен пайдалану процесінде ашықтық қамтамасыз етіліп келеді. Жергілікті атқарушы органдардың халық алдындағы есептік кездесулері дәстүрге айналды.
«Халық үніне құлақ асатын мемлекет» тұжырымдамасы аясында Түркістан облысында бірнеше қоғамдық кеңестер мен сарапшылар тобы құрылып, мемлекеттік шешімдер қабылдау процесіне азаматтық қоғам өкілдері тартыла бастады. Бұл — Үкімет пен қоғам арасындағы сенімді нығайтатын маңызды алғышарт.
Түркістан — жаңа басқару формуласының жарқын үлгісі:
Тарихи, мәдени және рухани маңызы зор Түркістан — тек облыс орталығы ғана емес, Қазақстанның рухани жаңғыруының символына айналды. Мемлекет басшысының ерекше бақылауындағы өңір ретінде мұнда мемлекеттік басқару реформалары тиімді іске асуда.
Бүгінде Түркістанда көптеген жаңа мектептер, медициналық мекемелер салынып, әлеуметтік нысандар жаңартылуда. Жастарға арналған бағдарламалар, кәсіпкерлікті қолдау жобалары — Үкімет пен Парламенттің тиімді жұмысының нәтижесі. Бұл реформалар Президент белгілеген бағыты бойынша нақты жүзеге асуда.
Сонымен қатар, цифрлық технологиялардың енгізілуі арқылы мемлекеттік қызметтердің сапасы артты. Түркістан облысында «Smart City», «Цифрлы әкімдік», «Ashyq aкимдік» жобалары іске қосылып, тұрғындар мемлекеттік қызметтерге оңай әрі жылдам қол жеткізуде. Бұл — есеп беретін Үкіметтің нақты көрінісі.
«Күшті Президент – ықпалды Парламент – есеп беретін Үкімет» формуласы — Қазақстанның болашақ даму траекториясын айқындайтын тарихи қадам. Бұл жүйе биліктің бөлінуін қамтамасыз етіп, әрбір тармақтың жауапкершілігін нақтылайды. Түркістан облысындағы осы модельдің жүзеге асуы — жалпыұлттық реформалардың өңірлік деңгейде тиімді іске асуын көрсетеді.
Бүгінгі таңда Түркістан тек Қазақстанның емес, бүкіл түркі әлемінің рухани орталығына айналып отыр. Бұл жетістіктер — күшті Президенттің саяси ерік-жігері, ықпалды Парламенттің заң шығару белсенділігі және есеп беретін Үкіметтің тиімді жұмысы нәтижесінде мүмкін болып отыр.
