Мегаполистің микроклиматын қалыптастырып, жасыл желекті көбейту мәселелері қала әкімі Ғабит Сыздықбековтің тікелей бақылауында.
Бүгін қала басшысы тұрғындармен бірге аллеяның ашылуына қатысты. Желтоқсан көшесінде демеушілер есебінен салынған демалыс аймағының жалпы ауданы шамамен төрт мың шаршы метрді құрайды. Халыққа ыңғайлы болу үшін жаяу жүргіншілер жолының бойында заманауи жарықтандыру шамдары, орындықтар, шағын сәулет нысандары орнатылды, сондай-ақ суармалы көгалдар қарастырылып, жасыл желектер отырғызылды.
Қала әкімінің тапсырмасы бойынша қазіргі уақытта Еңбекші ауданында тағы бір сквердің құрылысы жүргізілуде.
Жібек жолы, Сайрам көшелерінің қиылысында жаңа серуендеу аймағы пайда болады. Бұл жоба да бизнестің әлеуметтік жауапкершілігі аясында жүзеге асырылады.
Еске саларлық, Шымкентте «Таза Қазақстан» республикалық экологиялық акциясының “Мөлдір бұлақ” апталығы аясында кезекті сенбілік жұмыстары өтті.
Сенбілікке Шымкент қаласының ішкі саясат және жастар істері жөніндегі басқармасы мен басқармаға қарасты мекемелердің қызметкерлері қатысты.
Арнайы бекітілген орында, яғни Желтоқсан көшесінің бойындағы арық-атыздар мен өзгеде қоқыстан тазарту жұмыстары жүргізілді.
Қаладағы көп қабатты тұрғын үйлердің аулалары мен көшелерде санитарлық тазалық жұмыстары мен көріктендіру, абаттандыру шаралары, шөп ору, ағаштарды әктеу, қоршаулар мен орындықтарды сырлау жұмыстары қызу жүруде. Одан бөлек, 3,3 шақырым ирригациялық арық жүйесі, 9,7 шақырым жол жиектері тазартылса, 130 тонна күл-қоқыс шығарылды.
Бұл жұмыстарға 9500-ден аса қала тұрғындары мен 112 техника жұмылдырылды.
Акция аясында белсенді тұрғындардың бастамасымен «Өткенге – құрмет, тіріге міндет» атты шарасына қаладағы 92 мешіттің діни қызметкерлері мен ерікті 3574 азамат қатыстып, 37 мұсылман зираттарының аумағын күл-қоқыстан, шөптерден тазартылып, қураған ағаштар кесілді.
Шымкент қаласы әкімінің баспасөз қызметі
