Нашақорлық — жалпыға бірдей маңызды мәселе. Бүгінде біздің елмен қатар, бүкіл әлем бұл індетпен жаппай күресуде. Бұл жұмыстарда бірінші кезекте өскелең ұрпақтың, балаларымыздың қауіпсіздігін қамтамасыз ету алғышарт болып табылады.
Балалар мен жасөспірімдер арасында нашақорлықтың алдын алудың ең қарапайым, тиімді және қолжетімді профилактикалық әдісі — белсенді түсіндіру жұмысы болып табылады.
Осы орайда, полицейлер Еламан мөлтек ауданындағы №127 жалпы орта мектебінің оқушыларымен «Нашақорлыққа жол жоқ» тақырыбында арнайы кездесу өткізді.
Полицейлер бүгінде нашақорлық көптеген әр түрлі қылмыстардың, соның ішінде ауыр және аса ауыр санаттағыларының орын алуына тікелей себеп болатынын, одан аулақ болу қажеттілігін, өскелең ұрпақ өнегелі жолмен қалыптасуы қажеттігін жеткізді. Сонымен қатар, салауатты өмір салтын ұстану мен жат қылықтардан аулақ болуға шақырды.
Жасөспірімдер арасындағы нашақорлықтың салдары:
Есірткі жасөспірімнің репродуктивті жүйесіне өте теріс әсер етеді. Героин қабылдаған әрбір үшінші қыздың етеккірі тоқтайды, қалған жағдайларда, әдетте, етеккір циклінің бұзылуы байқалады, қыздарда да, ұлдарда да бедеулікке әкелетін және ұрықтың деформациясының даму қаупін арттыратын патологиялық өзгерістерінеалып келеді. Ақуыз алмасуының бұзылуына байланысты бұлшықеттің қалыпты өсуі бұзылады. Интоксикация нәтижесінде бауырдың зақымдануы және неврологиялық бұзылулар пайда болады.
Психика, ерік-жігер және эмоционалды сала зардап шегеді. Жасөспірімдерде тәуелділік криминогендік белсенділіктің артуына әкеледі. Жасөспірімдерде тәуелділікке тән жыныстық серіктестерд ітаңдаудағы түсініксіздік қажетсіз жүктілікке, мерездің, гонореяның және басқа жыныстық жолмен берілетін инфекциялардың таралуына себеп болады. Мерез, АИТВ және гепатиттің даму қаупі инъекциялық қолдану әдісімен одан әрі артады.
Нашақорлықты алдын алу:
Жасөспірім кезіндегі нашақорлықтың алдын алу үшін, ең алдымен, отбасында жағымды атмосфера құру, балаға салауатты әдеттер қалыптастыру, спортпен шұғылдану маңызды.
Сондай-ақ, жасөспіріммен нашақорлық, алкоголизм, жыныстық тәрбие және оларды қолданудың салдары туралы сөйлесу маңызды. Баланың назарын оның өзгеруіне аудару керек, өтпелі кезеңнің қалыпты екенін көрсету керек, онымен күресуге көмектесу керек.
Баланың қоршаған ортасы да маңызды. Егер мектеп немесе аула ортасы әдепсіз болса, олармен қарым-қатынасты тоқтатқан дұрыс.
Баланың тұлға ретінде қалыптасуында әлемдік көркем әдебиет маңызды рөл атқарады. Оқу оны баурап алады, оның қиялын, сыни ойлау қабілетін дамытады, оның есірткіге құмар болуына жол бермейтін дұрыс өмірлік негіздерді қалыптастырады.
