БИБІСАРА АСАУБАЕВА ШЫМКЕНТТЕГІ ФИДЕ ГРАН-ПРИІНДЕ 3-ШІ ОРЫНҒА ИЕ БОЛДЫ

Шымкент қаласында өткен әйелдер арасындағы 2024-2025 жылғы ФИДЕ Гран-приінің екінші кезеңінде Қазақстанның шахмат жұлдызы Бибісара Асаубаева 3-ші орынға ие болды. Қызықты әрі тартысты өткен 9 турдың нәтижесінде Бибісара әлемнің ең мықты шахматшыларымен бәсекеге түсіп, өз шеберлігін дәлелдеді.
9 турдан тұратын тартысты жарыста 7 ұпаймен Ресей гроссмейстері Александра Горячкина бірінші орынды иеленсе, 6½ ұпаймен Қытайдың экс-әлем чемпионы Тань Чжунъи екінші орынға шықты. Ал Қазақстанның әйелдер құрамасының көшбасшысы, 45-ші Дүниежүзілік шахмат олимпиадасының күміс жүлдегері Бибісара Асаубаева 5 ұпаймен 3-ші орынды жеңіп алды.
Турнирдің жабылу салтанатына Шымкент қаласы әкімінің бірінші орынбасары Қуаныш Асылов, KazChess бірінші вице-президенті Дәрмен Сәдуақасов және ФИДЕ өкілдері қатысты. Қуаныш Асылов өз сөзінде бұл жарыстың тек спорттық бәсекелестік ғана емес, сондай-ақ әйелдер шахматын дамыту мен жаңа таланттарды ашуға ықпал еткенін атап өтті.
ФИДЕ Гран-приінің әр кезеңінің жүлде қоры 80 000 еуроны құрайды, ал турнирдің жалпы жүлде қоры $600 000-ға жетеді. Бибісараның бұл жетістігі Қазақстан шахматын әлемдік аренада танытуға үлкен үлес қосып, жас спортшыларға зор мотивация береді.
1 жұма бұрыңғы кесте бойынша турнир кестесі келесідей болған:
1-3 орындар: Бибисара Асаубаева (Қазақстан, 2487), Ставрула Цолакиду (Греция, 2439) және Тань Чжунъи (Қытай, 2551)
4-8 орындар: Хампи Конеру (Үндістан, 2530), Александра Горячкина (ФИДЕ, 2533), Дивья Дешмух (Үндістан, 2501), Батхуягийн Монгонтуул (Моңғолия, 2344) және Катерина Лагно (ФИДЕ, 2527) – 1 ұпайдан;
9. Нургюл Салимова (Болгария, 2405) – 0,5 ұпай;
10. Элизабет Петц (Германия, 2458) – 0 ұпай.
Бүгін 1 қараша күні үшінші турда келесі жұптар өзара бақ сынайды:
Дивья Дешмух – Александра Горячкина;
Тань Чжунъи – Катерина Лагно;
Батхуяг Монгонтуул – Хампи Конеру;
Нургюл Салимова – Элизабет Петц;
Бибисара Асаубаева – Ставрула Цолакиду.