«Қызмет» салалық кәсіподағы Шымкент қалалық филиалының құрамындағы Әл-Фараби ауданы әкімінің аппараты мемлекеттік мекемесінің бастауыш кәсіподақ ұйымының ұйымдастыруымен «МЕКТЕПКЕ ЖОЛ» акциясы өтті, деп хабарлайды R-factor.kz ақпарат агенттігі.
Әл-Фараби ауданының демеушілер есебінен 200 бала мектепке қажетті құрал-жабдықтармен қамтылды. Одан өзге балаларға мерекелік көңіл-күй сыйлауда түрлі іс-шаралар ұйымдастырылды. Атап айтқанда, олар шаһардағы «Fanky town» ойын-сауық кешеніндегі түрлі аттракциондарға мініп, аниматорлармен көңілдерін көтерді. «МЕКТЕПКЕ ЖОЛ» акциясы Әл-Фараби ауданында жыл сайын тұрақты түрде өтеді.
Аталған акцияға демеушілік көрсеткен – «Зерде» дәріханалар желісі» ЖШС, «Имран» СҮ, «Арман Сити» СҮ, «Стамбул» тамақтану орталығы, «Визит» ЖШС, ЖК «Қырықбааев», «Қиял Әлемі» ойын-сауық орталығы және ҚР Ұлттық Банк республикалық мемлекеттік мекемесінің Шымкент қалалық филиалы.
Әлеуметтік жағынан қорғалмаған отбасы балаларына қолдау көрсету мақсатында дәстүрге айналған «Мектепке жол» республикалық акциясы биыл «Балаларға бірге көмек берейік!» атты айдармен өткізілуде. Акция еліміздің барлық өңірлерінде ағымдағы жылдың 1 тамызы мен 30 қыркүйек аралығында өтеді.
Акцияның мақсаты: жаңа оқу жылына дайындық уақытында аз қамтамасыз етілген және көпбалалы отбасылардан шыққан оқушыларға қолдау көрсету; баланың әлеуметтік себептермен мектепке келмей қалуының алдын алу; жетім балаларға, ата – анасының қамқорлығынсыз қалған балаларға, көп балалы, тұрмыс жағдайы төмен отбасыларына нақты көмек көрсету болып табылады.
Ал, отбасында бірнеше бала болса ше? Әлбетте, мұндай жағдайда әке-шеше барлық ба-ласын бірдей жаңа оқу жылына сақадай сай етіп даярлай алмасы анық. Бұдан басқа да әлеуметтік көмекті қажет ететін тұрмысы төмен отбасы мен жетім, жартылай жетім жет-кіншектер бар. Оларға да көп болып көмек көрсету игілікті іс. Осыған орай жыл сайын еліміз көлемінде «Мектепке жол!» атты республикалық акциясы өткізіліп келеді
Бұл акция көптеген жеткіншекке шапағат нұрын себуде. Бұл бір реттік қана көмек емес, жыл бойы жалғасып отыратын үрдіс. Осы ретте акция кезінде ғана емес, басқа уақытта да тұрмысы төмен отбасын азық-түлікпен, балаларды қыстық киіммен қамтып, тұрақты демеушілік көрсетіп тұратын азаматтардың бары қуантады.
Акция аясында оқушылар оқу¬ға қажетті құрал-жабдық, мектеп формасы, спорттық киімдермен қамтылып келеді. Бұл іске облыстық, аудандық әкімдіктен бастап, басқарма, департаменттер, түрлі мекеме, ұйымдар белсенді түрде атсалысып келе жатқанын айта кеткен орынды. Сол сынды ата-аналар, ұстаздар, кәсіпкерлер де¬меушілік көмек көрсетуде. Қуаныш пен күлкі сыйлап отырған барлық демеушіге, осы істің ұйытқысы болып жүрген ұстаздар қауымына алғысымыз шексіз. Акцияның барысында бірқатар оқушы мектепке қажетті құрал-жабдықпен қамтылды. – Акция енді ғана бастау алды. Жаңа оқу жылы басталғанша мектепке даярлаймыз. Ол үшін әлі де демеушілер іздестіріп жатырмыз. Бүгінгі күнге дейін үлес қосқан жандар да баршылық. Жыл сайын акцияны өз деңгейінде өткізіп келеміз.
