Тәртіп жоқ жерде кісінің бір жұмысты тиянақты атқаруы, алға қойған мақсатына қарай сеніммен қадам басып, табысқа жетуі екіталай. Тіпті, өз отбасымызда да белгілі бір ережелер мен тәртіпті сақтамасақ, шаңырағымызға шаттық пен берекенің орнасы анық. Ал, енді мемлекеттің деңгейінде алып қарасақ, еліміздің жеткен барлық жетістіктерінің негізінде де сол тәртіп, яғни, Қазақстан Республикасының заңдары жатыр.
Заң бізді қорғайды, біздің қоғам алдындағы борыштарымыз мен міндеттерімізді нақты анықтап береді, заң бізді тәртіпке үйретеді. Демек, Ата Заңымыз — біздің құқығымыз бен еркіндігіміздің кепілі ғана емес, барлық елдік істеріміздің де қайнар бастауы.
Өзінің 28 жылдық тарихында Қазақстан Республикасы Конституциясы шын мәнінде өміршеңдігін көрсетті. Ол құықтық-әлеуметтік функциялармен қатар үлкен тәрбиелік қызметті де атқаруда. Яғни, Констиутциямыз жастарды ғана емес, барлық қорғам мүшелерін тәрбиелейеп, құқықтық сананы қалыптастыруда. Баршамызды адал өмір сүруге, адал еңбек етуге, қоғам, Отан, отбасымыздың алдындағы борыштарымызды айқындап, заңға, тәртіпке бағыну дағдыларын қалыптастырады.
Осылайша, Ата Заңымыз қазақ тілі, ұлттық салт-дәстүрлеріміз, тарихымыз бен ео бірлігі ұатар тұратын шын мәніндегі жалпыұлттық құндылыққа айналды дейй аламыз.
Конституция күні мерекесі құтты болсын! Ата заңымызда көрсетілген құндылықтар мен қағидалар бәріміздің өмірлік ұстанымымызға айналып, қоғамымызды бірлікке пен тұрақты дамуға және лайықты өмірге жетелесін.
Қазақстан Республикасының Конституциясы — Қазақстан Республикасының Ата Заңы. Ағымдағы Конституция 1995 жылы 30 тамыз күні жалпыхалықтық Референдум негізінде қабылданды және 5 қыркүйек күні өз күшіне енді. Конституция 9 тараудан, 98 баптан тұрады.
Конституция мемлекеттік құрылыстың құқықтық негізін қалыптастырушы құжат болып табылады. Ол мемлекеттілік тетік, қоғамдық, саяси институттар ретінде қызметтің негізі боларлық принциптерін орнықтырды, адам мен азаматтың конституциялық мәртебесін белгіледі, экономикалық құрылыстың негіздерін айқындады.
Дінмұхамед ЕСКЕНДІРОВ,
Шымкент қалалық ұйғыр этномәдени бірлестігінің төрағасы