Қазақстан Республикасы Қорғаныс министрлігінің Арыс гарнизоны бойынша Әскери полиция құрама ротасы аудандық полиция бөлімі қызметкерлерімен бірлесе отырып, қаламыздағы металл қабылдау пункттеріне рейдтік шара өткізді. Мұндағы басты мақсат – оқ дәрілер сынықтарын заңсыз жинау және оларды қабылдау пункттеріне өткізуді болдырмау.
Профилактикалық шара барысында түрлі-түсті метал қабылдау бекеттерінің бірінде инжинерлік оқ-дәрілерден қалған жарылғыш заттардың бөлшектері анықталған.
Осыған байланысты, табылған жарылғыш заттардың бөлшектері №44859 Әскери бөлімінің инжинерлік-саперлік мамандарымен тәркіленіп алынды. Аталған дерек бойынша тиісті тексеру жұмыстары жүргізілетін болады.
Құрметті қала тұрғындары!
Қауіпті оқ-дәрі немесе сондай қауіпті ұқсас заттар мен бөлшектер көрген жағдайда бірден полицияға хабарлама берулеріңізді сұраймыз!
