Сапар барысында Премьер-Министр жаңа салынып жатқан бірқатар әлеуметтік және жол нысандары мысалында Шымкент қаласы бас жоспарының іске асырылуымен танысты. Онда жыл соңына дейін 2,6 мың пәтерге арналған 66 тұрғын үйді пайдалануға беру жоспары туралы баяндалды. Биылғы қорытынды бойынша 1,4 млн м2 тұрғын үй пайдалануға беріледі деп күтілуде. Тұрғын аудандарда жайлы мектептер, емханалар, заманауи спорт кешендерінің, сондай-ақ Оқушылар сарайының құрылысы жүргізіліп жатыр.
Премьер-Министр 36 тұрғын үй салынып жатқан Ақжайық шағын ауданына аралау барысында құрылыс сапасына және қазақстандық тауарлар мен қызметтердің үлесін одан әрі арттыру қажеттігіне назар аударды.
Сондай-ақ Үкімет басшысына қаланы айналып өтетін транзиттік көліктің өтуін қамтамасыз ету үшін ұзындығы 28,2 км «Қорғас-Алматы-Шымкент-Өзбекстан Республикасы шекарасы» А-2 автожолын реконструкциялау жұмыстары жүргізіліп жатқаны туралы баяндалды.
Шымкент қаласы әкімінің бірінші орынбасары Қуаныш Асылов қаланы айналып өтетін транзиттік көліктің өтуін қамтамасыз ету үшін ұзындығы 28,2 км «Қорғас-Алматы-Шымкент-Өзбекстан Республикасы шекарасы» А-2 автожолын реконструкциялау жұмыстары жүргізіліп жатқаны туралы баяндады.
Қаланың одан әрі дамуы, өндірістік қуаттардың кеңеюі және жаңа инфрақұрылымдық жобалардың іске қосылуы тұрақты және үздіксіз энергиямен жабдықтауды талап ететіні атап өтілді. Бүгінгі таңда Шымкентте жеке өндірілетін энергияның жалпы қуаты 120 МВт құрайды, сонымен бірге қала 400 МВт, сұраныстың ең жоғары кезеңдерде – 500 МВт қуатты тұтынады.
2024 жылғы 1 тамызға қала халқының саны 1241,8 мың адамды құрады.
Халықтың табиғи өсімі 2024 жылғы қаңтар-шілдеде 14269 адамды құрады (өткен жылғы сәйкес кезеңде 14519 адам).
2024 жылғы қаңтар-шілдеде туылғандар саны 17181 адамды құрады (2023 жылғы қаңтар-шілдеге сәйкес 1,3% көбейді), қайтыс болғандар саны 2912 адамды құрады (2023 жылғы қаңтар-шілдеге сәйкес 1% көбейді).
Оң көші-қонның айырмасы қалыптасты және 5474 адамды құрады (2023 жылғы қаңтар-шілдеде 1558 адам), оның ішінде сыртқы көші-қонда – 359 адам оң көші-қон айырмасы (303), ішкі көші қонда оң көші-қонның айырмасы – 5115 адам (1255).
