Бүгін Отан қорғаушылар күніне орай Шымкент қаласының әкімі Ғабит Сыздықбеков ҚР Қорғаныс министрлігінің 35748 әскери бөліміне барды.
Мегаполис басшысы оқу корпустарын, сарбаздар казармасын және басқа да инфрақұрылым нысандарын аралады. Ол сондай-ақ әскери бөлімнің жауынгерлік техникасымен, қару-жарақ қорымен және оқу-материалдық базасымен танысты.
Гарнизонның жеке құрамын мерекемен құттықтаған қала әкімі Қазақстан Республикасы Қарулы Күштері қатарындағы қызметтің мақтаныш қана емес, зор жауапкершілік артатынын, ал Отан қорғаушылар әрқашан батылдықтың, ерліктің қаһармандықтың үлгісі екенін атап өтті.
Сонымен қатар, патриотизмнің қалыптасуы - бұл адамның күш-жігерін сондай-ақ отбасы мен білім беру мекемелерінен бастап билік органдарына дейінгі әртүрлі әлеуметтік институттардың қажырлы еңбегін қажет ететін күрделі процесс.
Патриоттық тəрбиені ойға алғанда бірінші санаға Отан түсінігі келеді. Отанға құрмет көрсету тұрғысындағы патриоттық сезім жалпы адам баласына тəн туған түйсік-қасиет, оның еліне, туған жеріне, өз тілі мен мəдениетіне, ұлттық құндылықтарына жеке қатынасын, өзіндік бағасын, қуаттап-қолдауын пайымдайтын сезім көрсеткіші болып табылады. Патриоттық сезімнің нысаны мен қайнар көзіне Отан, туған жер, табиғат, оның байлықтары, тіл, дəстүр, тарихи ескерткіштер, туған өлкедегі ұлттық құндылықтар жатады. Ұлттық рух пен ұлттық патриотизм – бұл ұлттың ішіндегі жеке адамның асыл белгісі мен қасиеті, өз халқына деген шексіз сүйіспеншілігі, адам өз халқымен қан жағынан да жəне шыққан тегі, аумағы, тілі, тұрмыс-тіршілігі, мінез-құлқы, психологиялық жəне этностық ерекшеліктері, қалыптасқан тарихи дəстүрлері жағынан да, əбден айқын əрі дербес басқа қасиеттері жəне ерекшеліктерімен де байланысты.
Сондай-ақ бірқатар әскери қызметшілерге алғыс хаттар табыстап, Қарулы Күш ардагерлерімен бірге мерекелік концертке қатысты.
Бүгінде. механикаландырылған бригада «Оңтүстік» өңірлік қолбасшылығында ғана емес, Құрлық әскерлерінде де ірі әскери бөлім болып табылады. Мұнда жеке құрам үшін барлық жағдайлар жасалған. Жеке құрамның дайындық деңгейі және техникалық жарақтандыру тұрғысынан бригада ең үлгілісі болып саналады.
Шымкент қаласы әкімінің баспасөз қызметі
