1 – қазан Халықаралық қарттар күніне орай «Қарттар біздің асыл қазынамыз» тақырыбында Шымкент қалалық Қазақстан халқы Ассамблеясы төрағасының орынбасары, өзбек этномәдени бірлестігінің төрағасы Тахирбек Нишанбаевтың бастамасымен және аудандық өзбек ЭМБ төрағалары Әл-Фараби ауданы Ш.Рузметов, Еңбекші ауданы Б.Мырзахметов, Қаратау ауданы Н.Имамсадиков, Абай ауданы И.Ибадуллаев Сайрам тұрғын алабында қарттармен дастархан үстінде мерекелік кездесу өткізілді.
Кездесу барысында зейнеткер қарттарға арнап мерекелік дастархан жайылып, жылы лебіздер білдіріліп, мереке күнімен құттықтау тілектері айтылды.
Сонымен қатар, өзбек этномәдени орталығының Сайрам және Исфиджап тұрғын алабындағы мүшелері қарттарға арнайы концерттік бағдарлама ұйымдастырып, алғыс хаттар мен марапаттап, өздерінің сыйлықтарын табыс етті.
Асыл қазыналы қарияларда бойларындағы өнерлерін көрсетіп, ән айтумен кездесуді жалғастырып, үлкенді құрметтеген ұймдастырушы азаматтарға алғыстарын айтып, баталарын берді.
