Түркітілдес журналистер қоры” ҚҚ мен дүниежүзілік шетелдік баспасөз ассоциациясы (World Foreign Press Association- WFPA) “Шеврон” компаниясының серіктестігінде “Әлеуметтік журналистика: БАҚ-тағы әлеуметтік мәселелер” жобасының шеңберінде 2023 жылдың 11 қазанында Астана қаласында “Қазақстандағы блокчейн технологиялары” тақырыбына семинар-тренинг өткізеді. Семинарда Қазакстандық блокчейн-технологиялар қауымдастығының төрағасы Қарашев Даурен, Цифрлық активтерді және Web 3.0. зерттеу бойынша аға менеджер Жаңагүл Қабылдинова, Цифрлық активтерді және Web 3.0. зерттеу бойынша аға менеджер Нұрсұлтан Батыршаев сияқты профессионал мамандар блокчейн, криптовалюталар мен майнинг, Қазақстандағы цифрлық майнинг және қолданыстағы заңнамалық компонент, халықаралық тәжірибе: әлемде үдерістер мен трендтер: AI, AR, VR, Метаверс, CBDC т.б. жайлы айтады. Қатысушыларға сертификат беріледі.