«Азаматтарға арналған үкімет» Шымкент қаласы бойынша филиалы 2023 жылдың 1 шілдесінде елге 2022 жылдың 1 қыркүйегіне дейін әкелінген шетелдік автокөліктерді заңдастыруға өтінімдерді қабылдау аяқталатынын ескертеді.
Осыған байланысты, шетелдік автокөлікті заңдастыру үшін қаламыздағы МХҚО-лар күшейтілген жұмыс режиміне ауысады. Олар азаматтарды Дүйсенбі жұма аралығында сағат сағат 9:00–ден 19:00–ге дейін (құжаттарды беру — 20:30-ға дейін), сенбі күні — 9:00-ден 18:00-ге дейін (құжаттарды беру-19:30-ға дейін) қабылдайды.Бұл ретте жұмыс кестесі тек автокөліктерді заңдастыруға ғана қатысты. Жүргізуші куәлігі әдеттегі кесте бойынша беріледі.
Еске салар болсақ, жыл басынан бері Шымкенттегі ХҚО-ларда «Ата-анасының қамқорлығынсыз қалған балаға қамқоршылық пен қорғаншылықты белгілеу» мемлекеттік қызметі бойынша 40-қа жуық қызмет көрсетілді.
ХҚО арқылы мемлекеттік қызметті рәсімдеу үшін құжаттардың түпнұсқасы ұсынылады, содан кейін түпнұсқалар клиентке қайтарылады. Мемлекеттік қызметті көрсету мерзімі – 19 жұмыс күні. Клиент тиісті құжаттарды қабылдау туралы қолхат алады, оның негізінде дайын құжаттар беріледі.
Мемлекеттік қызметті eGov.kz порталы арқылы рәсімдеу үшін электронды-цифрлық қолтаңба (ЭЦҚ) болуы қажет және порталда «Жетім балаға (жетім балаларға) және ата-анасының қамқорлығынсыз қалған балаға (балаларға) қамқоршылық немесе қорғаншылық белгілеу және қамқоршыларға немесе қорғаншыларға жетім баланы (жетім балаларды) және ата-анасының қамқорлығынсыз қалған баланы (балаларды) асырап-бағуға жәрдемақы төлеуді тағайындау» қызметін таңдайсыз. Содан кейін деректерді толтырып, сканерленген құжаттарды тіркеуіңіз керек.
Айта кетейік, 1 шілдеден бастап заңдастыруға өтінімдерді қабылдау тоқтатылады. Көрсетілген мерзімге дейін келіп түскен барлық өтінімдер талаптарға сәйкес қаралатын болады. Анықтама:
Мамандандырылған ХҚО мекенжайлары:
№1 мамандандырылған ХҚО: Достық м.а, 2343/1.
№2 арнайы ХҚО: 119 квартал, 381/1, Ташкент айналма жолы.
