Биылғы жылдың 7 айының қорытындысы бойынша өткен жылдың сәйкес кезеңімен салыстырғанда қаланың әлеуметтік-экономикалық көрсеткіштерінде тұрақты өсім бар. Қаланың қысқа мерзімді экономикалық өсімі 11,6 пайызды құрап, республика бойынша алғашқы 3-орынға көтерілген (2023 жылдың тиісті кезеңінде – 6 орынды құраған).
Қаладағы әлеуметтік-экономикалық ахуалдың жақсаруына байланысты, жергілікті бюджеттің түсімдері артқан. Биыл бюджет шығыстарының көлемі 764,0 млрд теңгені құрап, өткен жылмен салыстырғанда 107,0 млрд теңгеге көбейді. Ал, бюджет түсімдерінің көлемі 61 млрд теңгеге ұлғайып, 404 млрд теңгеге жетті. Бүгінгі таңда оның 272 млрд теңгесі түсіп, жоспар 19,8% — ға артығымен орындалды. Бюджет көлемі артуына байланысты халықтың табысын арттыру жұмыстары жүргізіліп келеді.
Биыл жергілікті бюджеттен қаржыландырылатын жалақысы төмен 15 мыңға жуық қызметкерге қосымша 50 мың теңге үстемеақы тағайындалып, ең төменгі жалақы 140 мың теңгеге көтерілді. Оған жергілікті бюджеттен 8,1 млрд теңге бағытталды. Сонымен қатар, биылдан бастап кәсіпкерлікті дамытуға, кеңейтуге, қаржы айналымын ұлғайтуға, жаңа жұмыс орындарын құруға мүмкіндік беру мақсатында бөлшек салық мөлшерін 4 пайыздан 2 пайызға төмендетілді.
2024 жылғы қаңтар-наурызға жалпы өңірлік өнім көлемі қолданыстағы бағамен 872589,6 млн. теңгені құрады. 2023 жылғы қаңтар-наурызбен салыстырғанда нақты ЖӨӨ 8,7% өсті. ЖӨӨ құрылымында тауарларды өндіру үлесі 26,3%, қызметтер көрсету – 67% құрады.
Тұтыну баға индексі 2024 жылғы тамызда 2023 жылғы желтоқсанмен салыстырғанда 104,1% құрады.
Азық-түлік тауарларының бағасы – 0,1%, азық-түлік емес тауарлардың – 5,3%, халыққа көрсетілетін ақылы қызметтердің бағасы – 8,4% өсті.
2024 жылғы тамызда 2023 жылғы желтоқсанмен салыстырғанда өндіруші кәсіпорындардың өнеркәсіп өнімдерінің бағалары 3,2% өсті.
2024 жылғы қаңтар-тамызда бөлшек сауда көлемі 619740,8 млн. теңгені құрады немесе 2023 жылғы сәйкес кезеңмен салыстырғанда 16,8% көп.
2024 жылғы қаңтар-тамызда көтерме сауда көлемі 1055099,5 млн. теңгені құрады немесе 2023 жылғы сәйкес кезеңмен салыстырғанда 118,4% құрады.
Алдын ала деректер бойынша 2024 жылғы қаңтар-шілдеде ЕАЭО елдерімен өзара сауда 351,9 млн. АҚШ долларын құрап, 2023 жылғы қаңтар-шілдемен салыстырғанда 9,8% азайды, оның ішінде экспорт – 60,3 млн. АҚШ долларын (22,9% азайды), импорт – 291,6 млн. АҚШ долларын құрады (6,5% азайды).
