Сауран ауданында қоршаған ортаны қорғау және экологиялық мәдениетті қалыптастыру мақсатында көгалдандыру және тазалық жұмыстары тұрақты жүргізіліп келеді. Осы ретте ауданға қарасты 12 ауылдық округте сенбілік жұмыстары өткізілуде. Сонымен қатар, әктеу сырлау, арық-атыздарды тазалау жұмыстары қатар жүргізілуде. Атқарылған жұмыстарға аудан тұрғындары, белсенді жастар мен еріктілер атсалысуда.
Жалпы сенбілікте ауылдық округтердегі көше бойлары тазаланып, ретсіз өскен бұталар алынып, талдардың түптері әктелді. Сондай-ақ, аяқ жолдар тазаланып, саябақтар мен скверлер ретке келтірілді. Нәтижесінде тазалық жұмыстарына 192 адам қатысып, 18 тонна қоқыс шығарылған.
Түркістан облысының Өңірлік коммуникациялар қызметі