Кентау қаласы Төтенше жағдайлар бөлімі мен Кентау қаласы әкімдігінің қызметкерлерімен бірлесе отырып, қала аумағында орналасақан бассейн шомылу орталықтарына барып судың тазалығын, тереңдігін және қауіпсіздігін тексере отырып, судағы қауіпсіздік ережелерін түсіндірді.
Сондай-ақ Кентау қалалық төтенше жағдайлар бөлімінің АҚ тобының офицер лейтенанты А.Сүйінбай су айдындарында ішімдік ішкен күйінде шомылмауды және балаларды ересектердің қарауынсыз судың жанында қалдырмауды түсіндірді.
Су – адам үшін қауіпті апат. Тіпті тыныш ағып жатқан тынық судың өзі қауіпсіз сияқты көрінгенімен, оның да өзіндік қауіптілігі бар. Әдетте, жүзе алмайтын балалар белден жоғары келетін, судың терең жеріне бара бермейді, сондықақтан суда жүзе алмайтын балалар емес, өзін жақсы жүзе аламын деп санайтын балалар судағы қайғылы жағдайларға ұшырап жатады.
Балалардың судағы қауіпсіздігінің негізгі ережесі:
-Белгі қойылған жерден асып жүзуге болмайды, ол болмаған жағдайда жағадан алыс жүзбеу керек; Кемеге жақын жүзуге болмайды;
-Таяз жерге немесе белгісіз тереңдікке секіруге болмайды;
-Қайық, айлақ, көпір үстінен және арналмаған жерлерден секіруге болмайды;
-Күнге қыздырынғаннан кейін немесе ұзақ жүгірістен соң суға секіруге болмайды, себебі естен айырылып қалу немесе жүректің тоқтап қалуы мүмкін;
-Алдымен сумен шайынып алу керек;
-Дауыл немесе толқын болған жағдайда шомылуға болмайды;
-Қарсыласыңды суда ұстап тұру ойынымен ойнауға болмайды, себебі жолдасың тұншығып және есін жоғалтуы мүмкін.
Кентау қаласы әкімдігінің баспасөз қызметі
