Бұл шынайы жүректен шыққан сөздерді 1 мамыр мерекесіне арналған бейнероликте полиция аға лейтенанты Бахром Алижанұлы Хашимов жеткізді. Ішкі істер органында 2016 жылдан бастап қызметте жүрген полицей, ұлты өзге болғанымен қазақ тілін өз ана тіліндей білетінін мақтанышпен айтады.
Бүгінде Сауран аудандық полиция бөлімінде учаскелік полиция инспекторы лауазымында абыройлы қызмет атқаруда. Өзіне бекітілген аумақ тұрғындарымен туысындай қарым-қатынас орнатқан. Іс құжаттарын қазақ тілінде сапалы орындауға дағдыланған.
Өзінің қызметтік міндеттеріне жауапкершілікпен қарап, қажетті теориялық дайындық пен тәжірибелік жұмыс нәтижелеріне ие маман. Қойылған міндеттерді шешудің оңтайлы және үнемді әдістерін қолданып, қызметіне мұқият екенін көрсете білген сақшы.
Кейіпкеріміз отбасымен қазақ тілінде сөйлесіп, салт-дәстүрді ұстанады. Ол баршаңызды Қазақстан Халықтарының бірлігі күні мерекесімен құттықтайды.
Түркістан облысы ПД баспасөз қызметі
