Бүгін Шымкент қаласы Қазақстан халқы Ассамблеясы жанынан жасақталған ақпараттық-түсіндіру тобының мүшелері мен Ақсақалдар кеңесі төрағасының орынбасары Б.Жалмұрзаев Еңбекші ауданы Қарабастау тұрғын алабында жергілікті тұрғындармен кездесті.
Кездесуде Ұлттық құрылтайдың ІІІ отырысы мен Қазақстан халқы Ассамблеясының ХХХІІІ сессиясында берілген тапсырмалар туралы жан-жақты айтылып, этносаясаттың басты бағыттары сөз болды. Мемлекет басшысы Қ.К.Тоқаевтың 2 қыркүйектегі Қазақстан халқына арнаған Жолдауында айтылған межелі мiндеттер баяндалды. Сондай-ақ, жас буынның тәрбиесі, ұлттық құндылықтарды дәрiптеу, мемлекеттік тілдің мәртебесін арттыру, құқықтық мәдениеттi көтеру мен қоғамдық келісімді сақтау, азаматтар арасындағы өзара түсіністік пен сыйластықты бекемдеу жайында жан-жақты ақпараттар берiлiп, белсенді азаматтармен пiкiр алмасты.
