АЗИЯ ЖӘНЕ ОКЕАНИЯ ЧЕМПИОНАТЫНДА КЕНТАУЛЫҚТАР ЖЕҢІС ТҰҒЫРЫНАН КӨРІНДІ

Ақтау қаласында спорттық және жауынгерлік самбодан кадеттер, жасөспірімдер, жастар және шеберлер арасында Азия және Океания чемпионаты өтті, деп хабарлайды Кентау қалалық дене шынықтыру және спорт бөлімінің баспасөз қызметіне сілтеме жасаған R-FACTOR.KZ.
Бұл жарыс Ақтауда алғаш рет ұйымдастырылып отыр. Аталған чемпионатқа Кентау қаласының спортшылары да қатысып, бақтарын сынады.
Азия және Океания чемпионаттың ашылу салтанатына Нұрлан Ноғаев, сондай-ақ Халықаралық самбо федерациясының президенті Аламжон Муллаев қатысып, спортшыларға сәттілік жолдады.
Ақтау қаласында өтіп жатқан халықаралық жарысқа 25 елден 500-ге жуық спортшы келіп қатысуда. Өз қарсыластарынан оза шыққан кентаулықтар жүлделі орындарға ие болды. Атап айтқанда, Қыдырәлі Ақбота 1 орын, Нұрбаев Нұрбек 2 орын, Абақова Адина 3 орын, Жамалхан Нұрхан 3 орынды иеленді. Жаттықтырушылары С.Аргимбаев, Қ.Арғымбаев.