Қала әкімі Ғабит Сыздықбековтың кезекті жеке қабылдауы барысында 25 азаматтың денсаулық сақтау, әлеуметтік қолдау, тұрғын үй-коммуналдық шаруашылығы, жер қатынастары және абаттандыру салаларына қатысты көтерген өзекті мәселелері қаралды.
Атап айтқанда, тұрғын аулаларындағы инфрақұрылымды жақсарту, көшелерді жарықтандыру мен көгалдандыру мәселелері ерекше назарға алынды.
Қала әкімі әрбір азаматтың ұсынысы мен өтінішіне мұқият көңіл бөліп, жауапты сала басшыларына нақты тапсырмалар жүктеді.
Сондай-ақ, қабылдауда көтерілген барлық мәселелер белгіленген мерзімдер аясында бақылауға алынатын болады. Сонымен бірге өтініш иелеріне олардың орындалу барысы туралы да тұрақты түрде кері байланыс қамтамасыз етіледі.