Оқушылар арасында діни уағыз тыңдайтындары бар. Көпшілігі Қазақстан мұсылмандары Діни Басқармасының ақпараттық насихат тобының мүшелерінің насихатын тыңдайды екен. Аз бөлігі шетелдік ислами коучтарға құлақ асады екен. Оларға тек елімізде рұқсат етілген ресми дереккөздерінен діни насихат тыңдауға, ресми оқу орындарынан білім жөні ескертілді.
Өйткені әлеуметтік желі арқылы діни уағыз тыңдап, діни ілім алу үшін шет ел асқандар жоқ емес. Радикалды көзқарастағылар қазақтандық діни білімді де, дін қызметкерлерін де місе тұтпайды. Сол себепті елден жырақта балаларын оқытқанды құп көреді. Соның салдарынан елімізге неше түрлі деструктивті ағымдардың идеологиясын жүргізушілер пайда болады.
Дін саласындағы мемлекеттік саясатты іске асыру мақсатында Сарыағаш ауданында өткен мектептер мен мешіттердегі «Әйел әдемі әдебімен» жобасының аясында адасқан ағымдардан сақтану жолдары түсіндірілді. Аудандық ақпараттық насихат тобының мүшесі Болатбек Байболов оқушыларды елімізде тиым салынған радикалды топтардан сақтануға шақырды. Сондай-ақ, суицидтен, ерте жүктіліктен, есірткі қолданудан сақ болу, ата-ана, ұстаздарды құрметтеу, пайдалы білім алу, уақытты тиімді пайдалану тақырыптары қамтылды.