Қоғамдағы аса жауапты саланың жүгін арқалаған «YNTYMAQ» кәсіпкерлік жұмыскерлерінің қазақстандық салалық кәсіптік одағы» РҚБ-нің Шымкент филиалының құрамындағы «Kameya Clinic» медициналық орталығының мамандары Медицина қызметкерлерінің төл мерекесіне орай марапат төрінен көрінді. Салтанатты жиынға «Шымкент қаласы кәсіподақтар орталығы» аумақтық кәсіподақтар бірлестігінің төрағасы Бауыржан Әлтеев, «Kameya Clinic» орталығының басшысы Жансері Суетов және ауырған адамға көмек қолын созудан жалықпайтын орталықтың медицина қызметкерлері қатысты.
Салтанатты шарада Бауыржан Ілімшеұлы ақ халатты абзал жандарды төл мерекесімен құттықтап, дәрігерлердің қоғамдағы рөліне тоқталды, жүрекжарды тілегін білдірді. Кәсіптік одақтар қызметкерлер өмірінде үлкен рөл атқарады. Кәсіптік одақтар қызметкерлер құқықтары мен мүдделерін сақтауға ерекше кепілдердің бірі болды және болып табылады. Түрлі-деңгейдегі кәсіптік одақтар еңбек және әлеуметтік қатынастармен байланысты, түрлі салалардағы олардың ұсынуы мен қорғауын қамтамасыз етеді және қызметкерлер мүдделерін қалыптастырады және тұжырымдайды.
«Өмірімізді сеніп тапсыратын дәрігерлердің еңбегі ұшан-теңіз, олар халық саулығы жолында тер төгіп, көптеген адамдардың өмірін сақтап қалады. Бүгінде еңбек адамының мүддесін қорғайтын кәсіподақтар медицина қызметкерлерін қолдауға барынша күш салуды. Дегенмен, денсаулығымыз сыр беріп, жанымыз қысылғанда көмек қолын созуға қашанда дайын тұратын дəрігерлерді əрдайым дəріптеуіміз керек. Осы орайда халықтың денсаулығын сақтауға қосқан баға жетпес үлесі үшін баршаңызға шын жүректен алғысымды білдіріп, кәсіби мерекелеріңізбен құттықтаймын,» -деді АКБ төрағасы.
Жиында өз кезегінде сөз алған Жансері Бүкенбайұлы клиника мамандарын кәсіби мерекелерімен құттықтап, олардың жоғары жетістіктерін атап өтті.
Салтанатты шара халықтың денсаулығын сақтауға қосқан баға жетпес үлесі үшін еңбектері ерекше еленген қызметкерлерді марапаттау рәсімімен жалғасты. Марапаттау рәсімінде ұзақ жылдар бойы Денсаулық сақтау саласында адал еңбегі мен кәсіподақ қозғалысының нығаюына қосқан үлесі үшін ақ халатты абзал жандарға кәсіподақ ұйымы алғы шепте жүрген өз ісінің шеберлеріне 2 Төсбелгі табысталып, қалғандары Құрмет грамоталар мен Алғыс хаттармен мараппатталып, сыйлықтар тарту етілді.
