Бүгін мегаполистің кішкентай тұрғындарына арнап «Батыл жүрек» мерекелік шарасы өткізілді.
Көшбасшы партия «Кедергісіз келешек» жобасы аясында мүмкіндігі шектеулі азаматтарға қамқорлық көрсетіп келеді. Бір топ партияластармен аталмыш шараға қатысып, балаларды мерекемен құттықтап, сыйлықтар үлестірдік. Ал қалалық мәслихат депутаты, «AMANAT» партиясының фракция мүшесі Шыңғыс Қозбахов балаларды қорғау күніне ерекше күтімді қажет ететін, мүгедектігі бар жүзге жуық баланы ата-анасымен бірге Шымкент қаласындағы демалыс орнында демалуына демеушілік жасады.
Балаларға ерекше демалыс сыйлаған жаны жомарт, демеуші азаматтарға «Жігер» салауатты өмір салтын қалыптастыру орталығынан келген балалардың ата-аналары алғыстарын жеткізді.
Еске салар болсақ, «Кедергісіз келешек» — бүгінгі күнгі əрекетімізден басталып, ертеңге деген сенімімізбен түйінделеді.
Мемлекет басшысының тапсырмасын орындау үшін биыл 1 шілдеден бастап мүгедектігі бойынша жәрдемақы мөлшері; мүгедектігі бар баланы тәрбиелеп отырған адамдарға; бірінші топтағы мүгедектігі бар адамдарға күтім жасауды жүзеге асыратын адамдарға 14,5% — ға арттырылатын болады. Жыл басындағы жәрдемақылар мөлшерінің 8,5%-ға өсуін ескере отырып, жиынтығында төлемдер мөлшері жылдық мәнде 23%-ға ұлғаяды.
Еске салар болсақ, «AMANAT» партиясының «Кедергісіз келешек!» партиялық жобасы аясында Шымкент қаласы жұмыспен қамту және әлеуметтік қорғау басқармасының «Қамқорлық» №8 балаларға арналған арнаулы әлеуметтік қызметтер көрсету орталығының жұмыс барысымен танысқан болатын.
«AMANAT» партиясы Шымкент қалалық филиалының Атқарушы хатшысының орынбасары Е.Айтбаев, Шымкент қаласының мәслихат депутаты, AMANAT партиясының депутаттық фракциясының жетекшісі ретінде партия филиалы жанындағы Отбасы және халықты әлеуметтік қорғау жөніндегі аймақтық қоғамдық кеңестің мүшелерімен бірге орталықтың тыныс-тіршілігіне зерделеу жүргізілген болатын.
