«AMANAT» партиясы Шымкент қалалық филиалының жанындағы «TALQILAU» диалогтік алаңшасын Саяси жұмыстар бөлімінің меңгерушісі Байқонысов Ербол жүргізді. Жиында «AMANAT» партиясының 2023 — 2027 жылдарға арналған «Халықпен бірге!» қалалық Сайлауалды бағдарламасының орындалу барысы мен алға қойған мақсаттар туралы аймақтық кеңес төрағаларының баяндамалары тыңдалды.
Алғашқы сөзді жазушы, шежіреші, қалалық филиал жанындағы азаматтық қоғам мен мәдениетті дамыту жөніндегі «Miras» аймақтық кеңесінің төрағасы Әбдіәкімұлы Момбек бастап, өңірдегі мәдениет пен тіл мәселесіне ерекше көңіл бөлінетінін атап өтті. Сонымен қатар, ол шаһарда ақын, жазушылар аллеясын ашуға ұсыныс білдірді. Ал, «Шымкент қалалық мәслихаттары» қоғамдық бірлестігінің төрағасы Сатқанбаев Еркін сөз алып, сайлауалды бағдарламаның орындалуы үшін қоғам болып белсене атсалысуымыз қажет екенін жеткізді. Білім беру және денсаулық сақтау мәселелері жөніндегі аймақтық кеңес төрағасы Серкебаев Есенбек бағдарламадағы білім беру мекемелерінің сапалы салынуына және педагогтардың шеберлігін арттыруға кеңес тарапынан жүйелі бақылау жүргізілетінін атап өтті. Сонымен қатар, орта білім беретін мекемелердің асханасын тексеру жұмыстарын да жүргізгенін айтты.
Аймақтық экономикалық даму және кәсіпкерлікті қолдау кеңесінің төрағасы Абдукаримов Мақсат өңірдегі халықтың табысын арттыру және жұмыссыздық мәселесін шешу үшін барынша бақылау орнатылатынын ескертті.
Аймақтық экологиялық кеңес төрағасының орынбасары Болысбек Айдарбек қаладағы экологиялық ахуалдың алдын-алу үшін тиімді ұсыныстар мен жұмыстар жасалыну керек екенін нақтылады.
Аймақтық отбасы мәселелері және халықты әлеуметтік қорғау жөніндегі кеңес төрайымы Созақбаева Эльмира партияның «Бақытты отбасы» жобасы аясында бағдарламада көрсетілген бағыттар бойынша бірлесе қызмет атқаратынын айтты.
