Келес ауданында Түркістан облыстық ардагерлер кеңесінің жұмысына мониторинг жүргізу және оның алдағы даму жоспарын талқылауға арналған кеңейтілген жиын өтті. Сүбелі басқосуға аға буын өкілдері, зиялы қауым, қоғамдық ұйымдар мен белсенді жастар қатысты.
Маңызды жиынға Келес ауданы әкімінің орынбасары Сүлеймен Жылқыбаев, Түркістан облыстық ардагерлер кеңесі төрағасының бірінші орынбасары Әбдішүкір Сапарбеков және Келес аудандық ардагерлер кеңесі төрағасының орынбасары Сапарбек Есімханов қатысып, күн тәртібіндегі негізгі мәселелерді ортаға салды.
Сондай-ақ, шараға бастауыш ардагерлер ұйымдары мен «Әкелер мектебінің» төрағалары, «Әжелер алқасының» төрайымдары мен мүшелері, мектептердің тәрбие ісі жөніндегі директор орынбасарлары және жастар қауымы жұмылдырылды.
Күн тәртібіндегі негізгі мәселелер бойынша алдымен Түркістан облыстық ардагерлер кеңесі төрағасының бірінші орынбасары Әбдішүкір Әбдімәлікұлы Сапарбековке сөз беріліп, спикер өз баяндамасында облыс көлеміндегі ардагерлер ұйымдарының ағымдағы жұмысына жасалған мониторинг нәтижелерін саралап, алдағы уақытқа арналған даму жоспарын таныстырды. Маңызды баяндамадан кейін жиынға қатысушылар өзара пікір алмасып, ұрпақ тәрбиесі, аға буынның қоғамдық белсенділігі мен оларды әлеуметтік қолдау шараларын күшейту төңірегінде өз ұсыныс-пікірлерін ортаға салды. Басқосу барысында Келес ауданы әкімінің орынбасары Сүлеймен Жылқыбаев арнайы сөз сөйледі.
— Аудан көлемінде ардагерлер ұйымдары мен «Әкелер мектебі», «Әжелер алқасы» өте ауқымды әрі маңызды жұмыстар атқарып келеді. Аға буынның ақыл-кеңесі мен өмірлік тәжірибесі жастар тәрбиесінде, әсіресе аудандағы қоғамдық тұрақтылық пен берекені сақтауда орны бөлек. Сондықтан бұл бағыттағы бірлескен жұмыстарды әлі де жандандыра түсуіміз қажет, — деді Сүлеймен Жылқыбаев.
Басқосу соңында мониторинг барысында анықталған барлық өзекті мәселелер мен айтылған ұсыныстар толықтай ескеріліп, тиісті шаралар қабылданатыны белгілі болды. Жиын нәтижесінде Түркістан облыстық ардагерлер кеңесінің алдағы кезеңге арналған даму жоспары ресми түрде бекітілді.
Ардагерлер кеңесі – қоғамдағы бірлік пен тұрақтылықты нығайтуға, ұлттық құндылықтарды насихаттауға және өскелең ұрпаққа дұрыс бағыт-бағдар беруге үлес қосып келе жатқан маңызды қоғамдық құрылымдардың бірі. Аға буын өкілдерінің өмірлік тәжірибесі мен тағылымды жолы жастар тәрбиесінде ерекше рөл атқарады.
Кеңейтілген жиында ардагерлер ұйымдарының алдағы міндеттері жан-жақты талқыланып, олардың қоғамдық бастамаларға белсенді қатысуын арттыру мәселесіне басымдық берілді. Сонымен қатар ауылдық жерлердегі бастауыш ардагерлер ұйымдарының жұмысын жетілдіру, олардың материалдық және ұйымдастырушылық мүмкіндіктерін күшейту бағытында ұсыныстар айтылды.
Жиынға қатысушылар аға буын өкілдерінің қоғамдағы беделін арттыру, олардың тәжірибесін жастарға үлгі ету және ұрпақтар сабақтастығын сақтау бағытындағы жұмыстарды жалғастыру қажеттігін атап өтті. Себебі үлкендердің өнегесі мен ақыл-кеңесі – елдің рухани дамуына ықпал ететін құнды мұра.
Сондай-ақ, «Әкелер мектебі» мен «Әжелер алқасының» атқарып жүрген жұмыстарына ерекше назар аударылды. Бұл қоғамдық бастамалар отбасы құндылықтарын дәріптеу, бала тәрбиесіне жауапкершілікті арттыру және ұлттық тәрбие қағидаларын кеңінен насихаттау бағытында маңызды рөл атқарып келеді.
Келес ауданында аға буын өкілдерімен бірлескен түрлі кездесулер, тәрбиелік іс-шаралар және қоғамдық жобалар тұрақты түрде ұйымдастырылып келеді. Мұндай бастамалар жастардың бойында үлкенді сыйлау, елге қызмет ету және ұлттық құндылықтарды құрметтеу қасиеттерін қалыптастыруға мүмкіндік береді.
Ардагерлер кеңесінің даму жоспары алдағы кезеңде ұйым қызметін жаңа деңгейге көтеруге, қоғамдық белсенділікті арттыруға және әлеуметтік маңызды мәселелерді шешуге бағытталған. Жоспар аясында ардагерлердің ұсыныстарын ескеру, жастармен байланысты күшейту және қоғамдық келісімді сақтау бағытындағы жұмыстар жалғасын табады.
Жиын барысында айтылған ұсыныстар мен пікірлер ардагерлер ұйымдарының жұмысын жетілдіруге, олардың қоғамдағы рөлін күшейтуге бағытталған маңызды қадам ретінде бағаланды. Қатысушылар қабылданған даму жоспары алдағы уақытта нәтижелі жүзеге асатынына сенім білдірді.
Жалпы, Келес ауданында өткен кеңейтілген жиын аға буынның қоғамдағы орнын айқындап, ардагерлер қозғалысының жаңа міндеттерін белгіледі. Ардагерлер кеңесінің дамуы – ел бірлігін нығайтуға, рухани құндылықтарды сақтауға және ұрпақ тәрбиесіне қосылатын маңызды үлес болмақ.
