Қазақстан Республикасы Мемлекеттік қызмет істері агенттігінің Түркістан облысы бойынша департаментінің бастамасымен Созақ ауданында мемлекеттік қызмет көрсету сапасын арттыруға бағытталған қоғамдық бақылау іс-шарасы өткізілді. Аталған бақылау Шолаққорған ауылындағы “А. Сүлейменов атындағы жалпы білім беретін мектеп” КММ-де ұйымдастырылып, жергілікті тұрғындар мен қоғамдық ұйым өкілдерінің қатысуымен өтті. Іс-шараның негізгі мақсаты – мемлекеттік қызметтер көрсетілуінің ашықтығын, қолжетімділігін, сондай-ақ қызмет сапасын арттыруға бағытталған ұсынымдар енгізу болды.
Қоғамдық бақылауға Созақ ауданы әкімі аппаратының өтініштерді қарауды бақылау және құжаттандыруды қамтамасыз ету бөлімшесінің бас инспекторы С. Қарабаев, “Демеу” мүгедектер қоғамдық бірлестігінің төрайымы және аудандық қоғамдық кеңес мүшесі Б. Смахова қатысты. Бақылау барысында мемлекеттік қызмет көрсету үдерісінің барлық сатылары тексеріліп, қызмет алушылардың құқықтары мен мүдделерінің қорғалуына ерекше назар аударылды.
Іс-шара барысында қатысушылар мемлекеттік қызметтер туралы ақпараттық стендтермен, құжаттар тізбесімен, өтініш үлгілерімен танысты. Сонымен қатар, қызмет алушыларға өз бетімен қызмет көрсету бұрыштарының жұмыс істеу сапасы тексерілді. Мұндай өзіне-өзі қызмет көрсету аймақтары мемлекеттік қызметтерді жылдам және тиімді алуға мүмкіндік беретін маңызды құрал болып табылады. Бақылау кезінде қызмет алушылардың сұрақтарына жауап беру, құжаттарды рәсімдеу процесінің жеңілдетілгендігі, ақпараттың қолжетімділігі мен анықтығы бағаланды.
Мемлекеттік қызметтерді көрсету кезінде ғимараттағы қауіпсіздік талаптарының сақталуы ерекше қаралды. Дабыл батырмаларының жұмысқа жарамдылығы, мүмкіндігі шектеулі азаматтар үшін қолайлы жағдайлар қарастырылғаны тексерілді. Мұндай шаралар мемлекеттік қызметтердің қолжетімділігін арттыруға және азаматтардың құқықтары мен қауіпсіздігін қамтамасыз етуге бағытталған.
Қоғамдық бақылау барысында қатысушылар мемлекеттік қызмет көрсету сапасын жақсарту мақсатында бірнеше ұсынымдар әзірледі. Олардың негізгі бағыттары: қызмет көрсету үдерісін жеңілдету, ақпараттық қолжетімділікті арттыру, қызмет алушылардың талаптары мен сұраныстарын уақтылы қанағаттандыру, сондай-ақ мемлекеттік қызмет көрсету орындарында қауіпсіздік және қолайлы жағдайларды қамтамасыз ету. Мұндай ұсынымдар тек аудан деңгейінде емес, өңірлік және республикалық деңгейде де тәжірибе ретінде қолдануға мүмкіндік береді.
Қоғамдық бақылау іс-шаралары азаматтық қоғам мен мемлекеттік органдар арасындағы өзара әрекеттестікті нығайтуға, мемлекеттік қызмет көрсету сапасын арттыруға және азаматтардың құқықтарын қорғауға маңызды үлес қосады. Сонымен қатар, бұл шаралар «Адал азамат» тұжырымдамасын жүзеге асыруға, азаматтардың мемлекеттік шешімдер қабылдауға қатысу мүмкіндіктерін кеңейтуге мүмкіндік береді.
Созақ ауданында қоғамдық бақылау жүргізу тәжірибесі болашақта мемлекеттік қызметтердің сапасын арттыру, олардың ашықтығы мен тиімділігін қамтамасыз ету үшін үлгі бола алады. Бұл бағыттағы жұмыстар азаматтардың құқықтарын қорғауды күшейтуге, мемлекеттік қызметтердің сапасын арттыруға және халықтың мемлекеттік органдарға деген сенімін нығайтуға бағытталған.
Қорытындылай келе, қоғамдық бақылау іс-шараларының ұйымдастырылуы Созақ ауданында мемлекеттік қызмет көрсету сапасын жақсартуға, азаматтардың қажеттіліктері мен құқықтарын қорғауға, сондай-ақ мемлекеттік қызмет көрсету процесінің ашықтығы мен тиімділігін арттыруға зор мүмкіндік береді. Мемлекеттік органдар мен азаматтық қоғамның бірлескен жұмысы халыққа қызмет көрсетудің сапасын көтеріп, Әділетті Қазақстан, «Халық үніне құлақ асатын мемлекет» және «Адал азамат» тұжырымдамаларын жүзеге асырудағы маңызды қадам болып табылады.