2025 жылғы 16 қыркүйектен бастап Қазақстанда қорқыту, бопсалау немесе өкілеттігін асыра пайдаланған коллекторлар тек айыппұлмен ғана емес, қылмыстық жауапкершілікпен де жазаланатын болады.
Бұрын тек әкімшілік жауапкершілікпен шектелсе, енді:
өкілеттігін теріс пайдаланғаны үшін — 4 жылға дейін бас бостандығынан айыру, қорқыту, күш қолдану, жалған құжат жасау немесе бопсалау — 5 жылға дейін түрме жазасы.Қатаңдатудың себебі — борышкерлерге қысым жасау жағдайларының жиілеуі: қорқыту, психологиялық зорлық, туыстарға қысым көрсету, құжаттарды қолдан жасау, түн ортасында қоңырау шалу.
«Коллекторлық қызмет туралы» заңға сәйкес, коллекторлар:
— аптасына ең көп дегенде 3 рет қана қоңырау шала алады,
— тек сағат 08:00-ден 21:00-ге дейін,
— жеке кездесу — тек сағат 20:00-ге дейін және борышкердің келісімімен.
Тыйым салынады:
өздерін полиция немесе сот орындаушысы ретінде таныстыруға, қарыз туралы мәліметтерді жариялауға, қорқытуға немесе кемсітетін сөздер қолдануға, туыстарымен немесе әріптестерімен рұқсатсыз байланысуға.
Жаңа заң — бұл белгі: егер коллектор қысым көрсетсе, енді нақты қорғану тетігі бар. Әңгімелерді жазып ал, фактілерді тірке де шағымдан — тіпті қылмыстық іс қозғауға болады.
Өзіңізге сақтап қойыңыз. Коллекторлардың заңсыз әрекетіне тап болғандарға жіберіңіз.