Шымкент қаласы Еңбекші ауданындағы Момынов көшесінің бойында теміржол рельстерінен өту барысында көлік кептелістері жиі орын алып, тұрғындардың күнделікті қатынауына кедергі келтіретін. Осы мәселені шешу және тұрғындардың қозғалыс қауіпсіздігін қамтамасыз ету мақсатында, теміржол өткелінің құрылысы қолға алынды.
«Теміржол өткелін салу» нысаны бойынша құрылыс жұмыстары 2024 жылдың қараша айында жасалған мемлекеттік сатып алу шарттарына сәйкес жүргізілуде:
•Құрылыс жұмыстарына жауапты мердігер мекеме – «Корпорация Береке А» ЖШС.
Бүгінгі таңда инженерлік желілерді қайта орнату жұмыстары 90%-ға, өткел құрылысы 30%-ға орындалды. Сонымен қатар, тірек қабырғаларын тұрғызу жұмыстары жүргізілуде.
Ағымдағы жылдың қараша айында өткелді көлік қозғалысына ашу жоспарлануда.
Аталған инфрақұрылымдық жоба қаланың жол қозғалысын реттеуге, көлік кептелістерін азайтуға және тұрғындардың өмір сүру сапасын арттыруға бағытталған маңызды бастама болып табылады.