Шымкент қаласы білім басқармасына қарасты білім беру ұйымдарында 1 сәуір мен 18 сәуір аралығында PISA-2025 халықаралық зерттеуі жүргізілуде. Бұл зерттеу әлемнің 80-нен астам елінде жүргізілетін оқушылардың білім деңгейін бағалау мақсатындағы маңызды шара болып табылады.
Жалпы, 27 білім беру ұйымы тест тапсырады, оның ішінде:
•Мемлекеттік мектептер – 17
•Жекеменшік мектептер – 5
•Колледждер – 5
Қазіргі таңда 10 білім беру ұйымы тест тапсырып, сәтті аяқтады. Осы зерттеу нәтижесінде оқушылардың оқуға деген қабілеті мен дағдыларын бағалауға мүмкіндік беретін маңызды мәліметтер алынатын болады.