Өткен жылы Шымкент қаласында 160 мыңға жуық адам амбулаториялық жағдайда тегін дәрі-дәрмекпен қамтылды. Бұл медициналық көмек Тегін медициналық көмектің кепілдендірілген көлемі (ТМККК) және Міндетті әлеуметтік медициналық сақтандыру (МӘМС) шеңберінде көрсетілген.
Әлеуметтік медициналық сақтандыру қорының Шымкент қалалық филиалы өкілдерінің мәліметінше, диспансерлік есепте тұрған азаматтарға 100-ге жуық нозология бойынша босатылған. МӘМС жүйесі ересектер мен 18 жасқа дейінгі балаларға арналған тегін дәрілік заттардың тізімін айтарлықтай кеңейтуге мүмкіндік берді.
Тегін дәрілік препараттарды алу үшін пациент алдымен учаскелік дәрігерге қаралуы қажет. Дәрігер науқастың жағдайын бақылап, қажет болған жағдайда емхананың дәріханасынан тегін дәрі алу үшін рецепт тағайындайды. Сонымен қатар, шұғыл, стационарлық және стационарды алмастыратын көмек көрсету кезінде де барлық қажетті дәрі-дәрмектер тегін беріледі.
Былтыр медициналық сақтандыру аясында 8 миллионнан астам консультациялық-диагностикалық қызмет көрсетілді.
