Қала аумағына есірткі құралдары мен психотропты заттардың заңсыз енуіне сенімді тосқауыл қою мақсатында, Шымкент қаласының полиция департаменті есірткі қылмысына қарсы іс-қимыл басқармасы және кинологиялық қызмет орталығының қызметкерлері ұдайы түрде бірлескен тексеру жұмыстарын жүргізді.
Іс-шара Шымкент қаласында орналасқан «Қазпошта» АҚ Түркістан облысы бойынша филиалының пошта сұрыптау-тасымалдау басқармасында және Темір жол вокзалында өтті.
Кинологиялық қызмет орталығының қызметтік иттерінің қатысуымен өткен тексеру, пошта және темір жол жөнелтілімдері арасында есірткі контрабандасын, сондай-ақ өзге де заңға қайшы заттарды заңсыз тасымалдау деректерін анықтау мен жолын кесуге бағытталды.
Жалпы, есірткіні қолдануға жол бермеу үшін алдын-алу құралдары қажет деп айтуға болады. Ол үшін салауатты өмір салтын насихаттау қолданылады: жастар арасында есірткінің ағзаға қандай зиян келтіретінін көрсетуге арналған тәрбие жұмысын белсенді жүргізу керек. Сондай-ақ емдеудің ықтимал нұсқалары және емнен кейінгі қоғамдағы қалпына келтіру жолдары көрсетіледі.
Балалар мен жасөспірімдер негізгі тәуекел тобына жатады, сондықтан оларға берілетін мәліметтер қол жетімді түрде ұсынылуы керек, өте нақты және қарапайым болуы керек: әңгімелер, дәрістер, есірткі заттарының зиянын көрсететін тақырыптық фильмдерді бірлесіп қарау. Профилактикалық жұмыстың бұл түрі тікелей білім беру қызметінен басқа, оқытушыларды есірткіні қолдануға бейім немесе оларға тәуелді студенттерді анықтауға үйретуді қамтиды. Ақпаратты іріктеумен құқық қорғау және әлеуметтік қызметтермен бірлесіп наркология және психология салаларындағы сарапшылар айналысуға тиіс.
Сонымен қатар, алдын-алудың басқа әдістері қажет екенін ескерген жөн, онсыз жұмыс кешені толық жұмыс істемейді. Бұған «Сенім телефондары» – қызметкерлері тәуелділігі бар адамдарға психологиялық қолдау көрсете алатын, зиянды заттарды тарататындармен не болуы мүмкін екенін түсіндіретін, қиын жағдайға тап болған адамдарға емдеу-оңалту мекемелері туралы толық ақпарат алуға көмектесетін арнайы қызметтер кіреді.
Есірткі заттарын тарататын адамдарды, сондай-ақ оларды алуға және тұтынуға бейім адамдарды уақтылы анықтау өте маңызды.
Өзіңізге және жақындарыңызға қамқорлық жасаңыз! Сау болыңыз!
