Шымкент қаласы полиция департаментінің жеке құрамы Қазақстан Республикасы Сыбайлас жемқорлыққа қарсы іс-қимыл агенттігі Шымкент қаласы бойынша департаменті бастығының міндетін атқарушы Сыбайлас жемқорлыққа қарсы қызмет полковнигі Танабаев Рустем Ерсимбековичпен кездесу өткізді.
Іс шарада полиция қызметкерлері арасында сыбайлас жемқорлық құқықбұзушылықтарын алдын алу және болдыртпау мақсатында жеке құрамға жемқорлықтың заңдылыққа қайшы құбылыс екендігі және оның жағымсыз салдары туралы айтып жеткізілді.
Кездесу барысында жемқорлыққа төзбеушілік жағдайына қол жеткізудің маңыздылығы және негізгі күш сыбайлас жемқорлық құқық бұзушылықтардың туындауына қарсы алдын алу жағдайларын жасауға бағытталған болуы тиіс екендігі, қоғамның келеңсіз құбылысына қарсы шараларды күшейтудің маңыздылығы айтылды.
Сыбайлас жемқорлыққа қарсы күрес қоғамдағы сыбайлас жемқорлықты жоюға бағытталған. Бұған сыбайлас жемқорлыққа төзбеушілік ахуалын қалыптастыру, сыбайлас жемқорлық құқық бұзушылықтардың себептерін анықтау және оларды жою, сыбайлас жемқорлыққа қарсы іс-қимыл субъектілері арасындағы өзара іс-қимылды нығайту, халықаралық ынтымақтастықты дамыту, сыбайлас жемқорлық құқық бұзушылықтарды анықтау, жолын кесу, ашу және тергеу арқылы қол жеткізіледі.
Сыбайлас жемқорлыққа қарсы күрес жөніндегі шаралар жүйесі сыбайлас жемқорлыққа қарсы мониторингті, сыбайлас жемқорлық тәуекелдерін талдауды, сыбайлас жемқорлыққа қарсы мәдениетті қалыптастыруды, қаржылық бақылауды, сыбайлас жемқорлыққа қарсы шектеулерді және басқа да шараларды қамтиды. Жүйенің маңызды элементі сыбайлас жемқорлыққа қарсы саясат пен құқық қолдану практикасының тиімділігін бағалайтын сыбайлас жемқорлыққа қарсы мониторинг болып саналады. Сыбайлас жемқорлық тәуекелдерін талдау сыбайлас жемқорлық құқық бұзушылықтарға ықпал ететін себептер мен жағдайларды анықтауға мүмкіндік береді.
Аталған кездесу Шымкент қаласы полиция департаменті бастығының орынбасары полиция полковнигі А. Әмзеевтің төрағалығымен өтті.
