Өздеріңізге белгілі, биылғы жылдың 1-мамырынан бастап қала әкімінің тапсырмасымен 14 санаттағы азаматтар қоғамдық көліктерде тегін жүре бастады. Ендігі кезекте, бұл жолаушылар көлік карталарын алып жүруі міндетті. Осыған орай бүгінде Абай, Қаратау және Тұран аудандары әкімдіктерінде көлік карталары сатылуда. Карта бағасы — 550 теңге. Тегін жүретін қала тұрғындары карталарын тез арада ала алады.
Еске саларлық, 1 мамырдан бастап қоғамдық көлікте тегін жүру мүмкіндігі келесі санаттағы азаматтарға да қолжетімді болады:
1)Ұлы Отан соғысының ардагерлері;
2) жеңілдіктер бойынша Ұлы Отан соғысының ардагерлеріне теңестірілген ардагерлер;
3) басқа мемлекеттердiң аумағындағы ұрыс қимылдарының ардагерлері;
4) «Қазақстанның Еңбек Ері» атағына ие болғандар;
5) ҰОС жылдарында тылдағы қажырлы еңбегі мен мінсіз әскери қызметі үшін бұрынғы КСРО ордендерімен және медальдарымен наградталған адамдар;
6) 1941 жылғы 22 маусым — 1945 жылғы 9 мамыр аралығында кемiнде алты ай жұмыс iстеген (қызмет өткерген) және Ұлы Отан соғысы жылдарында тылдағы қажырлы еңбегi мен мiнсiз әскери қызметі үшін бұрынғы КСР Одағының ордендерiмен және медальдарымен наградталмаған адамдар;
7) саяси қуғын-сүргiндер құрбандары ретiндегі адамдар;
8) екінші топтағы мүгедектігі бар адамдар;
9) мүгедектігі бар балаларға;
10) 70 жастан асқан зейнеткерлер;
11) оқушылар.
«Avtobys» жүйесінің жаңа картасы 10 минутта дайын болады. Tolem картасын қолданушыларға жаңа көлік карталарын алудың қажеті жоқ. Себебі, карталар жарамды.
Көлік картасын алу үшін:
1. Жеке куәлік түпнұсқасы.
2. Шымкент қаласының жергiлiктi атқарушы органының мөрi басылған жәрдемақыны алғанын растайтын құжаттың көшiрмесi (түпнұсқа жеке басын куәландыру үшiн ұсынылады).
3. 1 дана 3х4 көлеміндегі фотосурет
4. Өтініш берушінің жеке деректерін жинауға және өңдеуге келісім беруі талап етіледі.
Көлік карталары төмендегі мекен-жайларда сатылады:
— Тұран ауданы әкімдігі, Байтұлы Баба көш. №12а.
— Абай ауданы әкімдігі, Тәуке хан даңғылы № 3.
— Қаратау ауданының әкімдігі, Бәйдібек би даңғылы № 60.
Tolem карталарын Әл-Фараби, №9 мекен жайынан алуға болады.
Пункттер дүйсенбі-жұма сағат 9:00-18:00 аралығында жұмыс істейді.
Колл центр: +7 (775) 007 50 50, +7 (727) 317 47 05.
