Ордабасы ауданы әкімі Азат Оралбаевтың тапсырмасымен сенбілік өтті.
«Таза Қазақстан» зкологиялық акциясы жалғасын табуда. “Таза Қазақстан” экологиялық акциясы аясында алдағы уақытта да белсенді жұмыстар атқарылатын болады.
Ордабасы ауданы, Темірлан ауылында 10 шақырымнан астам көше бойларын сыпыру аяқ жолдардың шөптері шабу, ирригация жүйелерін тазалау жұмыстары жүргізілді. 8,5 тонна қоқыс шығарылып, 170 ағаштар әктеліп, 85 ағаштардың қураған бұтақтары шабылып ретке келтірілді.
Сенбілікке жалпы 300 ден астам мемлекеттік қызметшілер мен қоғамдық қызметкерлер қатысты. 8 техника жұмылдырылды. Одан бөлек, 10 ауыл округтерде сенбілік жұмыстары жалғасын тапты.
Сенбіліктің негізгі мақсаты — экологиялық сауаттылықты арттыру мен қоршаған ортаның ластануына жол бермеу, айналаны қоқыстан тазарту, салауатты өмір салтын ұстануға бағытталған. Қоқысты дұрыс тастай білу — қоғам мен қоршаған ортаны ойлай білетін мәдениетті жандардың әрекеті.
Туған ауданымыздың тазалығы – әдемі эстетикалық көрініс қана емес, сонымен қатар Сіз бен Біздің, әрқайсымыздың денсаулығымыз деген сөз.
Қадірлі Ордабасы ауданының тұрғындары!
Халқымыз «тазалық – денсаулық кепілі»-деп, текке айтпағанын естен шығармайық!
Сенбіліктен кейін аудан әкімі Азат Әбдіғалиұлы бірқатар құрылыс нысандарын аралап мердігерлерге жұмысты жандандырып, құрылысты барынша тездедіп, сапалы етіп, мерзімінде аяқтауды тапсырды.