Ақсукент ауылында түнгі кезекшілікте рейд жүргізген патрульдік полиция қызметкерлері жылдамдықты асырып келе жатқан Toyota Camry автокөлігін тоқтатты.
Тәртіп сақшысы жүргізушіден мән-жайды анықтамақ болған кезде, ер адам көлікте жұбайының толғағы қысып перзентханаға асығып бара жатқанын жеткізеді. Патрульдік полиция тобының инспекторлары Шамсуддин Нажмеддинов пен Хамракул Гаипназаров босанғалы отырған әйелді перзентханаға ілесіп жүру арқылы жылдам әрі кедергісіз жеткізді.
Ер азамат Сайрам аудандық полиция басқармасының қызметкерлеріне ризашылығын білдіріп, алғыс айтты. Сол күні әйел аман-есен босанып, ұлды дүниеге алып келді, деп хабарлайды Түркістан облысы ПД баспасөз қызметіне сілтеме жасаған R-FACTOR.KZ.
