Түркістан қалалық балалар ауруханасында 2024 жылдың қыркүйек айынан бастап 0-18 жас аралығындағы балаларға медидициналық көмектің сапасын және қолжетімділігін жақсарту мақсатында балалар ауруханасы базасынан «Консультативтік-диагностикалық орталық» ашылғанын хабарлаймыз.
Түркістан қалалық балалар ауруханасы «Клиникалық-диагностикалық орталығында» травматолог-ортопед, хирург, нейрохирург, отоларинголог, невропатолог, пульмонолог, гастроэнтеролог, кардиолог, педиатр, нефролог, неонаталог, реабилитолог, аллерголог, жалпы 12 бейінді мамандық бойынша дәрігерлер консультациялық қабылдау жүргізеді.
Диагностикалық қызметінде лабораториялық зерттеулердің барлық түрлері жасалады. Атап айтқанда, жалпы клиникалық, гематологиялық, бактериологиялық, ИФА және т.б. Ал инструменталды тексерулерді заманауи аппараттармен жүргізіледі. Атап айтқанда, УДЗ, КТ, рентген, ЭКГ, ЭКГ холтер мониторинг, ЭЭГ, спирография.
Орталықта барлық сала бойынша білікті бейінді мамандар сағат 09:00-17:00 аралығында 0 жастан 18 жасқа дейінгі балаларға сапалы медициналық көмек көрсетуде. Аталған орталық соңғы үлгідегі аспаптық және зертханалық тексерулердің барлық түрлері мен жабдықталған. «Консультативтік-диагностикалық орталық» жұмысы Түркістан қаласындағы және облыс орталығына жақын орналасқан аудандардағы (Отырар, Кентау, Сауран, Бәйдібек, Ордабасы) науқастанған балаларды қарап, тексеріп, емдік іс-шараларды сапалы жүргізуге бағытталған.