Жазғы демалыс кезеңінде жеткіншектердің қауіпсіздігін қамтамасыз ету үшін полиция қызметкерлері күшейтілген тәртіпте жұмыс істейтіні белгілі. Осыған орай, Сайрам Ауданы Полиция Басқармасы жергілікті полиция қызметі бөлімі ювеналды полиция тобының қызметкерлері Арыс ауылына рейдтік іс-шара барысымен барды. Онда орналасқан жазғы спорттық-сауықтыру лагерінде кəмелет жасқа толмағандарға қауіпсіздік шараларын сақтау бойынша түсіндірме жұмыстарын жүргізді.
Профилактикалық іс-шара аясында балалардың қауіпсіздігіне жауапты тұлғалар жазғы сауықтыру лагеріндегі бекітілген талаптарға бағыну қажеттігін қатаң ескертті. Сыртта серуендеу кезінде сақтық қағидаларын қаперлерінен шығармау керектігін жеткізді, деп хабарлайды Сайрам ауданы әкімінің баспасөз қызметіне сілтеме жасаған R-FACTOR.KZ.
