ТҮРКІСТАН: ЖАЗҒЫ ДЕМАЛЫСТА БАЛАЛАР ҚАУІПСІЗДІГІН САҚТАУ БАҒЫТЫНДА ЖҮЙЕЛІ ЖҰМЫС ЖҮРУДЕ (-2-)

Жекеменшік стационарды бассейндері бар кәсіпкерлермен меморандум түзіліп, әлеуметтік тұрмысы төмен және көпбалалы отбасылардан 2 мыңға жуық бала ақысыз суға шомылуда. Бұдан өзге «Білім беру ұйымдарын қауіпсіз жол инфрақұрылыммен қамтамасыз етудің жоспары» аясында жол белгілерін жөндеу, жаңалау, жұмыстары жүріп жатыр. Жоспар бойынша 1698 дана жол белгілерін орнату, жаңарту жұмыстары жоспарланса, бүгінгі таңда 409-ы орнатылған.
Суда шомылудың қауіпсіздік ережелері
- Суға шомылатын жерді, жалпы жағдайды судың тазалығын, тереңдігін мұқият тексеріп алыңыз. 
- Тамақ ішкеннен кейін бірден шомылмаңыз. 
- Суға тек қана рұқсат етілген жерлер мен жағажайларда шомылыңыздар. 
- Өте ұзақ шомылмаңыз, өзіңізді шаршауға және тоңып қалтырауға дейін жеткізбеңіз. 
- Суға түскенде бір-біріңізді көзден таса қылмаңыз. 
- Қоршау белгілерінен, буйлардан тысқары аумаққа шықпаңыз. 
- Техникалык ескерту белгілерінің, буйлардың және басқалардың үстіне шығушы болмаңыздар.
Аяқ-қол тырысуы (судорога) болғанда сіздің іс-әрекетіңіз 
Суық суда шомылу қол-аяқтың тырысып қалуына әкеліп соғады. 
- егер тырысу болғанда жүзуді тоқтатып суға арқаңызбен шалқалай жатыңыз, сабырлық сақтаңыз. 
- Қолыңыздың саусақтары тырысып қалғанда жұдырығыңызды түйіңіз, қолыңызды бір жаққа қарай серпе лақтырып, жұдырығыңызды ашыңыз. 
- Тырысу қойысымен тынығып алып, жүзудің басқа әдісімен жағаға шығыңыз.
Жиын соңында облыс әкімінің орынбасары күн тәртібіндегі мәселелер бойынша хаттама түзіліп, назарға алынатынын жеткізді. Жиында айтылған мәселелер бойынша құзырлы органдарға тиісті жұмыстар жүргізуді тапсырды.
Түркістан облыс әкімінің баспасөз қызметі